Четверг, 18 января 2018

Фінансавыя веды далі плён

517

Падведзены вынікі раённага этапу рэспубліканскай алімпіяды па фінансавай адукаванасці, якая штогод праводзіцца па ініцыятыве Нацыянальнага банка Рэспублікі Беларусь.

20161110_0776

На гэты раз для 33 вучняў старэйшых класаў былі падрыхтаваны даволі складаныя заданні, правільныя адказы на якія давалі магчымасць максімальна набраць 90 балаў.

Максімуму дасягнуць не ўдалося нікому, але і тыя вынікі, якія паказалі ўдзельнікі алімпіяды, прыемна здзівілі арганізатараў конкурсу. Як расказвае дырэктар Цэнтра банкаўскіх паслуг №122 ААТ «ААБ Беларусбанк» Э.М.Канановіч, было вырашана падрыхтаваць не толькі памятныя, але і каштоўныя падарункі: за першыя тры месцы ўруча-ліся юбілейныя сярэбраныя манеты «90 год Беларусбанку», якія пры намінале 20 рублёў маюць рэальны кошт амаль у чатыры разы большы.

20161110_0772

20161110_0763

Сярод дзесяцікласнікаў лепшыя вынікі паказалі вучні СШ №3, Кляпацкай і Хараўской школ, у адзінаццаці-класнікаў вызначыліся ўдзельнікі з трэцяй гарадской школы і гімназіі. А па рэйтынгу набраных балаў прызавыя месцы былі размеркаваны паміж вучнямі СШ №3 Алінай Антановіч (78 балаў) і Андрэем Карпызам (73), трэцяе месца прысуджана Віялеце Кугач (72) з Кляпацкай СШ. Менавіта яны і будуць абараняць гонар раёна на абласным этапе алімпіяды па фінансавай адукаванасці.

На здымку: Э.М.Канановіч  з Алінай Антановіч і Андрэем Карпызам падчас уручэння ўзнагарод.

Алег СІДАРЭНКА,

         Сяргей ТАЛАШКЕВІЧ (фота)

Добавить комментарий

Ваш e-mail не будет опубликован. Обязательные поля помечены *