28 верасня трывожны выклік паступіў з гарадской шматпавярхоўкі з-за задымлення ў пад‘ездзе. Аказалася, гаспадары адной з кватэр забылі на ўключанай пліце патэльню.
Першага кастрычніка выратавальнікі аказвалі дапамогу ў адкрыцці дзвярэй кватэры, за якімі засталося малое дзіця.
На наступны дзень бескантрольнае выпальванне сухой травы і смецця пагражала пажарам пабудовам у г.п.Ружаны на вуліцы Інтэрнацыянальнай. Узгаранне было аператыўна ліквідавана.
На мінулым тыдні падраздзяленні МНС сем разоў выязджалі на ліквідацыю гнёздаў небяспечных насякомых. Варта нагадаць тым, хто выклікае выратавальнікаў, што такая дэзінсекцыя праводзіцца ў вячэрні час, калі ў гнёздах збіраюцца ўсе насякомыя.
