Понедельник, 22 января 2018

Што такое прыгажосць?

526

02328f9c4080a36342e9ec0a34753032

9 верасня свет адзначаў Дзень прыгажосці. Пры гэтым чалавецтва так і не дало пэўнага адказу: у чым яе сакрэт, навошта яна патрэбна і чаму ёй аказваюць столькі гонару? Што думаюць аб гэтай з’яве, якая «павінна ўратаваць свет», нашы людзі, я пацікавілася на вуліцах горада. Як і меркавалася, у кожнага яна свая.

ganna-z-dachkoj-dashaj-g.pruzhany_izmen.razmer

Ганна з дачкой Дашай:

   – Я лічу, што прыгажосць – гэта гармонія і радасць жыцця, калі хочацца тварыць, пра кагосьці клапаціцца. Калі ты бачыш, як расце тваё дзіця – яго першыя зубкі, крокі і словы, калі ў цябе вялікая і добрая сям’я. Хай кожны разумее прыгажосць па свойму, але яна робіць свет выдатней, акультурвае ўсё вакол.

anya-10-let_izmen.razmer

Аня, 10 гадоў:

   – Прыгожы чалавек – гэта акуратны, добры і выхаваны. Вось такі, як мая мама.

volga-z-dachkoj-dashaj-g.pruzhany_izmen.razmer

Вольга з дачкой Дашай:

– Прыгажосць нельга вымераць, ёю можна толькі любавацца. Яна – паўсюль! Варта больш уважліва агледзецца вакол, і тады абавязкова ўбачыш тое, што не дазволіць тваёй душы скамянець. Трэба захапляцца ўсім, што акружае: вуліцамі, дрэвамі, малюнкамі на небе, людзьмі.

cyrulnica-volga-g.pruzhany_izmen.razmer

Цырульнік Вольга:

– Прыгажосць – не толькі роўная скура, статная постаць, прыемны тварык, лёгкая паходка і вытанчаная гаворка. У прыгожым чалавеку павінен захоўвацца баланс эфектнай знешнасці, добразычлівасці і адкрытасці да свету і людзей. Паслухмяныя локаны, румянец на шчоках, акуратны манікюр і г.д. – толькі «памочнікі» прыгажосці.

masazhyst-anatol-g.pruzhany_izmen.razmer

Масажыст Анатоль:

– Прыгажосць – гэта тое, што радуе вока і сэрца, што дастаўляе эстэтычную і маральную асалоду, на што можна глядзець гадзінамі і захапляцца. Прыгажосць шматгранная і разнастайная. Яна ў словах, у момантах, ва ўчынках, у гуках, у водарах… У яе няма ўзросту, яна па-за часам, яна ёсць заўсёды.

alyaksej-g.pruzhany_izmen.razmer

Аляксей:

– Для мяне прыгажосць – гэта, перш за ўсё, прыгожая гаворка, якая раскрывае інтэлект чалавека, здольнасць выказваць свае думкі зразумела і даступна. Калі ўнутры чалавек пусты, тады яго вонкавая прыгажосць «абясцэньваецца» і становіцца нікому не патрэбнай адкрытай упакоўкай. Чулі выраз «з твару вады не піць»?

maladazhony-yuryj-i-natallya_izmen.razmer

Маладажоны Юрый і Наталля:

   – Прыгажосць – гэта свет, у якім я жыву, гэта мае родныя, мая жонка, яе ўсмешка: калі вочы іскрацца, а пад імі бачны забіяцкія маршчынкі і ямачкі на шчоках з’яўляюцца.

   – Формула прыгажосці вельмі простая – любіце і будзьце любімымі, і тады сапраўды  вы будзеце самымі прыгожымі!

taccyana-alyaksandra%d1%9ena-z-%d1%9enukami-iosifam-cixanam-i-ivanam_izmen.razmer

Таццяна Аляксандраўна з ўнукамі Іосіфам, Ціханам і Іванам:

– Прыгажосць – гэта натуральнасць і ззянне знутры. Гэта шчодрасць на ўсмешкі, добрыя словы і добрыя ўчынкі. А шчодры чалавек не можа быць непрыгожым! Бо ўсмешка нагадвае нешта дзіцячае, чыстае і дабрадушнае …

– Прыгажосць – гэта наша бабуля.

dzya%d1%9echynki-taccyana-i-alina-g.pruzhany_izmen.razmer

Дзяўчынкі Таццяна і Аліна:

– Гэта прыгожы твар з разумнымі і добрымі вачыма.

– І яшчэ чысценькае адзенне і чыстыя валасы.

dva-uladzislava-navuchency-kaledzha-z-pinskaga-rayona_izmen.razmer

Два Уладзіславы,  навучэнцы каледжа (з Пінскага раёна):

– Для чалавека важна духоўная прыгажосць: дабрыня, спагадлівасць, сціпласць і гатоўнасць заўсёды дапамагчы нават чужому чалавеку. Людзі цягнуцца не да кавалачка лёду, а да цяпла – усім хочацца, каб цябе разумелі і падтрымлівалі ў цяжкую хвіліну.

– Прыгажосць – гэта натуральнасць і прастата.

Думкамі цікавілася Алена Зялевіч

 

Добавить комментарий

Ваш e-mail не будет опубликован. Обязательные поля помечены *