Вторник, 23 января 2018

10 июня прошли районные соревнования сандружин

676

Традыцыйныя раённыя спаборніцтвы санітарных дружын у бягучым годзе мелі некалькі адметнасцей. Па-першае, павялічылася колькасць удзельнікаў, і сёлетняе права на прызавыя месцы аспрэчвалі дзесяць каманд, прычым не толькі сельскагаспадарчых акцыянерных таварыстваў, але і перапрацоўчых прадпрыемстваў.

20160610_6958_измен.размер

Удзельнікаў спаборніцтваў на агульным пастраенні вітаў намеснік старшыні райвыканкама С.М.Гук, які адзначыў важную ролю сандружын у забеспячэнні бяспекі персаналу прадпрыемстваў, аказання першай дапамогі ў надзвычайных сітуацыях. На гэтым фоне і роля спаборніцтваў бачыцца карыснай у плане атрымання новых ведаў і адпрацоўкі ўменняў у своеасаблівым практычным прымяненні.

Камандам неабходна было паказаць усё, што яны ведаюць, у  пяці конкурсных этапах, расказаць, якім інвентаром яны забяспечаны, прадэманстраваць уменне ім карыстацца.

У выніку па колькасці набраных ачкоў перамогу зноў заваявалі сандружыннікі з ААТ «Мурава». Гэта не здзіўляе, бо апошнія некалькі гадоў ствараецца ўражанне, што каманда становіцца прафесіянальнай, што пацвярджае і другое месца мураўцаў на леташніх абласных спаборніцтвах. Другое і трэцяе месцы былі прысуджаны сандружынам з ААТ «Пружанскае» і «Агра-Калядзічы». Лепшым камандзірам сандружыннікаў стала В.А.Базыльян з Аранчыцкай птушкафабрыкі, а самыя дасканалыя веды праявіла сандружынніца з ААТ «Жураўлінае» Т.А.Шыцікава.

20160610_7096_измен.размер

20160610_7084_измен.размер

20160610_7072_измен.размер

20160610_7054_измен.размер

20160610_7038_измен.размер

20160610_7026_измен.размер

20160610_7010_измен.размер

20160610_7000_измен.размер

20160610_6992_измен.размер

20160610_6985_измен.размер

20160610_7130_измен.размер

20160610_7121_измен.размер

20160610_7102_измен.размер

Сёлета было вырашана, што творчы конкурс будзе ацэньвацца асобна. І хаця спіс пераможцаў зноў узначалілі сандружыннікі з ААТ «Мурава», сваю долю славы атрымалі каманды з ААТ «Айчына» і Аранчыцкай птушка фабрыкі, якія занялі другое і трэцяе месцы адпаведна ў гэтым конкурсе.

Месцам правядзення мерапрыемстваў у асноўным стаў гарадскі парк, што паказвае больш прадуманую іх арганізацыю, у тым ліку і па стварэнні належных умоў для членаў журы.

Напрыканцы былі падведзены вынікі віктарыны аб Беларускім таварыстве Чырвонага Крыжа. Старшыня раённай арганізацыі Л.А.Лелікоўская ўручыла граматы камандам-прызёрам: Аранчыцкай птушкафабрыцы за першае месца, ААТ «Мурава» і «Агра-Калядзічы» за другое і трэцяе адпаведна.

Хутка ў Маларыце пройдуць абласныя спаборніцтвы сандружын, дзе гонар Пружанскага раёна зноў будзе абараняць каманда з ААТ «Мурава». Жадаем ім паказаць такі ж высокі клас тэарэтычных ведаў і практычных уменняў.

 

Алег СІДАРЭНКА

Сяргей ТАЛАШКЕВІЧ (фота)

Добавить комментарий

Ваш e-mail не будет опубликован. Обязательные поля помечены *