Среда, 30 сентября 2020

Как обезопасить стариков от пожаров? В ход идут и уговоры, и протоколы

877

Надзвычай важнай у зімовы перыяд старшыня Шаняўскога сельвыканкама называе работу са састарэлымі людзьмі. У сувязі з гэтым асаблівую ўвагу адводзіць пажарнай бяспецы.

—На тэрыторыі сельсавета, — расказвае Сяргей Іванавіч Лапука, — 45 інвалідаў першай і другой груп, 38 адзінока пражываючых грамадзян, налічваецца 20 шматдзетных сем’яў, трое з якіх знаходзяцца ў сацыяльна небяспечным становішчы. Калі ўлічыць, што пераважная большасць такіх людзей карыстаецца пячным ацяпленнем, а некаторыя наогул фізічна абмежаваныя, вядома ж, выклікае трывогу як бяспека іх здароўя і жыцця, так і навакольных.

Найбольшая  складанасць, як расказалі ў сельвыканкаме, заключаецца ў тым, што адзінокія і нямоглыя састарэлыя людзі ніяк не хочуць пакідаць свае дамы і на зіму пераязджаць да родзічаў ці ў бальніцу сястрынскага догляду. Не так даўно, напрыклад, нямала давялося пераконваць аб неабходнасці пражывання пад наглядам у спецыяльных установах для адзінока пражываючых людзей жанчыну з Шубічаў і мужчыну з Паддубна. Але ж пасля яны толькі дзякавалі за гэта старшыні і работнікам тэрытарыяльнага цэнтра сацыяльнага абслугоўвання насельніцтва. IMG_4224

Таму работа назіральнай камісіі па прафілактыцы пажараў у жылым сектары на тэрыторыі сельсавета часта праходзіць вечарам ці раніцай, калі людзі паляць у печы. Падчас аднаго з такіх візітаў старшыня сельвыканкама С.І.Лапука і інспектар інспекцыі нагляду і прафілактыкі раённага аддзела па надзвычайных сітуацыях А.В.Леўлюх нават вымушаны былі скласці на парушальнікаў пажарнай бяспекі пратакол.

Галіна Каляда, фота аўтара.

Добавить комментарий

Ваш адрес email не будет опубликован. Обязательные поля помечены *