Суббота, 26 мая 2018

Команда «Блицкриг» СШ №5 заняла второе место на областной игре «Что? Где? Когда?» и представит район на республике

811

24 студзеня ў г. Брэсце прайшоў абласны фінал па інтэлектуальнай гульні «Што? Дзе? Калі?» cярод юніёраў (вучняў 9-11 класаў). Каманда «Бліцкрыг» СШ №5 прыняла ў ім удзел як пераможца раённай гульні.

Канкурэнцыя на абласным этапе была проста неверагоднай. На чатырох гульнявых пляцоўках у гарадах Брэст, Пінск, Баранавічы і Кобрын адначасова змагаліся 105 каманд, якія вызначыліся ў сваіх раёнах. Усім удзельнікам было прапанавана адказаць на 45 пытанняў.

Ужо пасля першага тура (15 пытанняў) лідэрства захапілі  каманды «Горад катэгорыі Б» (ліцэй №1 г. Брэст) і «Бліцкрыг» (СШ №5 г. Пружаны), якія адказалі на 14 і 13 пытанняў адпаведна.DSCN6729

Далей гульня праходзіла з пераменным поспехам. У выніку гэтыя дзве каманды і апынуліся ў пачатку выніковай турнірнай табліцы. Каманда ліцэя №1 г. Брэста адказала дакладна на 32 пытанні, наша каманда саступіла ўсяго 1 бал, стаўшы другой і апярэдзіўшы моцных традыцыйных сапернікаў з гімназій Брэста, Баранавічаў, Пінска, Маларыты і інш.

Упэўнена вяла «Бліцкрыг» да чарговага поспеху капітан каманды вучаніца 11 класа Лізавета Пракопчык. Каманда ў складзе адзінаццацікласнікаў Дыяны Карпыза і Дзмітрыя Комара, дзесяцікласнікаў Уладзіслава Папко, Аляксея Чапліна і Ангеліны Клімец паўтарыла поспех 2014 года, яшчэ раз пацвердзіўшы, што толькі сістэмная рэгулярная праца і трэніроўкі забяспечваюць неабходныя вынікі.

Каманды-пераможцы атрымалі ганаровае права прадставіць Брэсцкую вобласць на рэспубліканскім фінале па інтэлектуальных гульнях у красавіку  2016 года  ў г. Мінску. Работа і трэніроўкі працягваюцца.

P.S. Як рэйтынгавай камандзе нам прыйшло запрашэнне на турнір інтэлектуальных каманд «Кубак» Баранак» (г. Баранавічы), дзе ў сакавіку збярэцца традыцыйна моцны склад удзельнікаў з усёй краіны.

Уладзіслаў Папко, вучань 10 класа СШ №5.

Добавить комментарий

Ваш e-mail не будет опубликован. Обязательные поля помечены *