10 верасня на Пружанскім возеры правялі выратавальную аперацыю: дапамога спатрэбілася маладому лебедзю. Матрос-выратавальнік Вячаслаў Пуцык заўважыў, што адна з птушак адстае ад іншых і «цягне» лапку. Як высветлілася потым, перашкаджала яму рыбацкая блешня. У выратаванні ўдзельнічалі прадстаўнікі МНС, Таварыства выратавання на водах і БРСМ.
Злавіць параненага лебедзя здолелі выратавальнікі Уладзіслаў Макаранка і Васіль Басак (на здымку). Пасля дапамогі ветэрынара птушку памецілі і вярнулі ў стаю.
Кацярына ПАШКЕВІЧ, Cяргей ТАЛАШКЕВІЧ (фота).