Пятница, 21 сентября 2018

С чем поедет Пружанский район на областные «Дожинки»?

1 638

Гэты здымак быў зроблены практычна  ў самы разгар  сёлетняга жніва на палетках ААТ “Мурава”: культработнікі прыехалі прывітаць і павіншаваць удзельнікаў уборкі са значнай падзеяй у жыцці хлебаробаў раёна — намалотам 100 тысяч тон збожжа!IMG_7715

І вось  камбайны пакінулі палеткі – пара падбіваць рахункі і аддаваць належнае за самаадданую працу ўсім удзельнікам бітвы за ўраджай. На ўзроўні вобласці гэта будзе зроблена сёння на фестывалі-кірмашы “Дажынкі – 2015” у г.Іванаве.

З чым жа едзе на абласное свята сельскіх працаўнікоў дэлегацыя нашага раёна?

Восень падводзіць  вынік нялёгкай працы земляробаў. А сёлета яна была сапраўды складанай. Спякотнае лета не дало магчымасці атрымаць той ураджай, які быў запланаваны. І тым не менш, у гаспадарках раёна намалочана 127 тысяч тон збожжа пры ўраджайнасці 42 цэнтнеры з гектара. На палетках працавалі 154 збожжаўборачныя камбайны, а дапрацоўка зерня вялася на 56 сушыльных комплексах. Па выніках жніва звыш 2 тысяч тон збожжа намалаціў адзін экіпаж, звыш тысячы тон — 36. Больш 2 тысяч тон перавезлі збожжа двое вадзіцеляў, звыш тысячы — 45. Больш як 15 тысяч тон збожжа дапрацаваў калектыў ЗСК-80 з ААТ «Ружаны-Агра» (старшы машыніст А.М.Макарэвіч).

Сярод культур самымі ўраджайнымі сталі трыцікале і пшаніца, якіх атрымана з гектара ў сярэднім адпаведна 47 і 46 цэнтнераў. У ААТ «Эксперыментальная база «Белавусаўшчына» авёс даў ураджайнасць 63 цэнтнеры з гектара.

Сярод гаспадарак самы важкі ўклад у раённы каравай унесла ААТ «Ружаны-Агра». Тут сабрана 26 тысяч тон збожжа пры ўраджайнасці 45 цэнтнераў з гектара. Звыш 10 тысяч тон збожжа намалочана ў ААТ «Агра-Калядзічы», «Вялікасельскае Агра», «Жураўлінае», «Айчына».

Па прадуктыўнасці збожжавай нівы няма роўных ААТ «Агра-Калядзічы» і ААТ «Жураўлінае», дзе з аднаго гектара сабрана адпаведна 55 і 54 цэнтнеры збожжавых і зернебабовых.

Гаспадаркі раёна паспяхова справіліся з пастаўкамі зерня дзяржаве. На Аранчыцкае збожжапрыёмнае прадпрыемства дастаўлена 15,7 тысячы тон пшаніцы, жыта, ячменю і аўса.

Сёння ў горадзе Іванава пройдзе абласны фестываль-кірмаш працаўнікоў вёскі «Дажынкі-2015», дзе падвядуць вынікі жніва і лепшыя яго ўдзельнікі атрымаюць заслужаныя ўзнагароды. У ім возьме удзел дэлегацыя Пружанскага раёна на чале са старшынёй райвыканкама М.М.Крэйдзічам.

А земляробам няма калі адпачываць. Ужо закладваецца падмурак ураджаю наступнага, 2016 года. Пачалася сяўба азімых збожжавых культур.

Мікола Архуцік, Сяргей Талашкевіч (фота).

Добавить комментарий

Ваш e-mail не будет опубликован. Обязательные поля помечены *