Четверг, 26 апреля 2018

Пружанские фигуристы вторые в республике. А если б им ещё и коньки …

1 516

Пачынаючы са снежня, Пружаншчына сачыла за поспехамі нашых юных фігурыстаў на першынстве Рэспублікі Беларусь па фігурным катанні “Зорачка”. Нагадаем, што спаборніцтвы складаліся з некалькіх этапаў. Ужо ў першым туры нашы дзяўчынкі і хлопчык паказвалі выдатныя вынікі і парадавалі поспехамі.

Галоўнымі героямі фіналу сталі прадстаўнікі бронзавага класа Насця Белавус, Таня Мігіц і Яўген Пузанаў. Насця і Жэня заваявалі першыя месцы, а Таня, якая была першай ва ўсіх адборачных турах, у фінале заняла другое месца. Дарэчы, на жараб’ёўцы ёй дастаўся першы парадкавы нумар, не самы ўдалы для выступлення.
Па выніках усіх тураў Пружанская ДЮСШ №2 заняла другое (!) агульнакаманднае месца, прапусціўшы наперад толькі Мінск, але пакінуўшы за сабой Гомель, які шмат гадоў славіцца сваёй сур’ёзнай школай і трэнерамі (майстар-класы юным гамельчанам даюць алімпійскія чэмпіёны Ілья Авярбух і Ірына Лабачова), а таксама горад Рэчыца.

Па ўмовах першынства, у залік ішлі прызавыя месцы ўсіх тураў па ўсіх класах і намінацыях. Пружанцы прадстаўлялі школу толькі ў сярэбраным і бронзавым класах сярод дзяўчынак і ў бронзавым класе сярод хлопчыкаў (іншыя вядомыя ў рэспубліцы школы рыхтавалі стартсменаў для “Зорачкі+”, выступалі ў парным і сінхронным катанні).

Займаюцца з таленавітымі пружанскімі дзецьмі не менш таленавітыя трэнеры Руфіна Аляксееўна Ганчарук і Вольга Анатольеўна Уважаная. Акрамя кубкаў і прызоў, з фіналу яны прывезлі і вельмі важкую пахвалу ад галоўнага суддзі спаборніцтваў Аляксандра Марозава, які назваў выступленне нашай каманды сапраўднай сенсацыяй.

Пра поспехі юных фігурыстаў мы неаднойчы пісалі ў нашай газеце, і ўжо напачатку «Зорачкі» адзначалі, што спаборніцтвы асабліва яскрава выявілі праблемы маленькіх спартсменаў. Так, фігурнае катанне не толькі прыгожы від спорту, але і дарагі. Да кожнага тура бацькі юных фігурыстаў за ўласныя грошы набывалі касцюмы. Усе нашы пераможцы выконвалі складаныя элементы і скачкі на каньках, прызначаных для масавага катання, бо прафесійных у іх пакуль няма. Нагадаем, што адна пара прафесійных канькоў каштуе ад 300 долараў ЗША, а касцюм — ад 100 долараў. Дарэчы, юныя фігурысты згодны выступаць з эмблемай спонсара на касцюмах. Зразумела, калі такі, нарэшце, знойдзецца.

Даведка:
Прафесійныя канькі для фігурнага катання не толькі больш зручныя для выканання складаных элементаў, але і аберагаюць галенастоп спартсмена ад траўм. Лязо ў такіх каньках мае іншую форму, а чаравік  зроблены са спецыяльнага матэрыялу.

Не ва ўсіх касцюмах могуць выступаць фігурысты. На першыя спаборніцтвы нашы дзеці адправіліся ў касцюмах, пашытых мясцовымі швачкамі (яны абышліся бацькам у 100-200 тысяч беларускіх рублёў). Аднак суддзі звярнулі ўвагу на неадпаведнасць вопраткі. Большасць нашых фігурыстак выступае ў касцюмах, якія былі ў выкарыстанні (самы танны быў набыты за 80 у.а.).

Кацярына Пашкевіч, Аляксандр Мелеш (фота).

НА ЗДЫМКУ: трэнеры Р.А. Ганчарук (справа) і В.А.Уважаная са сваімі выхаванцамі Насцяй Белавус, Таняй Мігіц і Яўгенам Пузанавым.

4 комментариев

  • От оно чё, Михалыч!

    Молодцы!

    Рейтинг комментария:Vote +10Vote -10

  • Приятно за достижения земляков!!! так держать!!!

    Рейтинг комментария:Vote +10Vote -10

  • Sve.

    Наши дети просто умнички! Молодцы! Вот бы им еще тренеров первоклассных, типа Тарасовой, Москвиной… И чемпионаты мира по фигурному катанию, и Олимпийские игры смотреть через лет 10 было бы намного интереснее.

    Рейтинг комментария:Vote +10Vote -10

  • СП

    прочитал последний комментарий и удивился: чем же это вам не приглянулись свои тренеры, которые уже сейчас вывели детишек в чемпионы. Это же надо быть такими неблагодарными и можно сказать злобными, чтобы их унижать. тарасовы и москвины начинали с нуля, да и не все великие в прошлом фигуристы становились великими тренерами. почему бы вашим не подняться вместе с детьми и не вырастить своих тарасовых?

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *