Повар и кондитер из Пружан привезли «бронзу» с областного конкурса

На абласным конкурсе сярод кандытараў, афіцыянтаў і повараў работнікі Пружанскага райспажыўтаварыства заваявалі «бронзу».

Выпрабаванні, як расказвае дырэктар філіяла «Прадтавары» Т.А.Жук, былі даволі сур’ёзныя. Сфарміравалі каманду з трох кандытараў — Кацярыны Прытульчык, Ніны Ліпіч, Юліі Кульгаўчук і повара Аксаны Цюшкевіч.

Дзяўчатам давялося прадэманстраваць не толькі свае здольнасці ў прыгатаванні салодкіх або смажаных страў, але і праявіць эрудыцыю, веданне тэхналагічных тонкасцей і многага іншага. У выніку Аксана Цюшкевіч сярод повараў, а Кацярына Прытульчык сярод кандытараў занялі трэція месцы. Да таго ж Аксана ў намінацыі «фігурная рэзка агародніны» была прызнана «майстрам карвінгу», а Кацярына дадаткова адзначана спецыяльным прызам  як самы малады спецыяліст.

Алег Сідарэнка.

На здымку: Кацярына Прытульчык і Аксана Цюшкевіч з дыпломамі.

Фота аўтара.