День: 05.03.2021

Магазін «Мясны свет» у Пружанах у сілу свайго зручнага размяшчэння і годнага асартыменту абслугоўвае нямала пакупнікоў. Але пастаянных кліентаў прыцягвае сюды найперш персанал — ветлівыя, добразычлівыя прадаўцы. Сёння ў калектыве шэсць жанчын. Большасць працуе ў магазіне з 2003 года, калі ён быў адкрыты перад «Дажынкамі». Адна з іх — Аліна Слатвінская. За амаль дваццаць гадоў працы ў гандлёвай галіне жанчына ведае, як знайсці падыход нават да самага патрабавальнага пакупніка. Заўсёды ўважлівая да пажаданняў наведвальнікаў Аліна Аляксандраўна дапаможа вызначыцца з выбарам мясных прадуктаў і не толькі. З гэтага магазіна, будзьце ўпэўнены, вы ніколі не выйдзеце з пустымі рукамі.Марына Вакульская. Фота Кацярыны Масік.

Мамы бываюць розныя: свае, якія для нас самыя лепшыя на свеце, і чужыя, аб добрых якасцях якіх мы можам толькі падазраваць. А ёсць прыёмныя мамы — гэта людзі, якія разумеюць, што чужых дзяцей не бывае, гатовыя ахвяраваць асабістым камфортам, каб хоць аднаму дзіцяці падарыць шчасце. Жыхарка в. Бельчыцы Наталля Кадука выгадавала сваіх чатырох сыноў, дачакалася ўнукаў. А сёння апякуе дзвюх прыёмных дочак. — Вось такое маё жаночае царства! – смяецца жанчына, з якой мы ў сілу абставін сустрэліся не дома, а ў працоўнай абстаноўцы, у Рудніцкім дзіцячым садку, дзе яна працуе ўжо чвэрць стагоддзя спачатку памочніцай выхавальніка, а цяпер загадчыцай гаспадаркі.Сама Наталля Уладзіміраўна родам з вёскі Баравікі, гадавалася ў вялікай сялянскай сям’і, дзе адзін за аднаго стаялі сцяной, дзе жылі

Іх будні – штодзённая, цяжкая, але для многіх любімая праца. Ад таго, наколькі эфектыўна працуюць жывёлаводы, без перабольшання, залежыць харчовая бяспека краіны. Каб падтрымаць тых, хто з дня ў дзень шчыруе на фермах і комплексах, рэспубліканскі камітэт прафсаюза работнікаў аграпрамысловага комплексу праводзіць традыцыйную акцыю “Наш жывёлавод”. Не першы год далучаецца да яе і раённы камітэт прафсаюза работнікаў аграпрамысловага комплексу. Як расказаў яго старшыня Д.У.Чайкоўскі, мэта акцыі – ахапіць увагай як мага больш фермаў, незалежна ад колькасці іх работнікаў і вытворчых паказчыкаў. Падчас наведвання вывучаюцца ўмовы працы людзей, узровень арганізацыі быту, даюцца канкрэтныя парады, а яшчэ ўручаюцца падарункі. На гэтым тыдні Д.У.Чайкоўскі і старшыня раённага аб

Пачатак вясны – гэта заўсёды час рознакаляровых кветак, нечага новага і незвычайнага. Разам з першымі вясновымі прамянямі да нас прыходзіць прыгожае жаночае свята. Усе мамы і бабулі, жонкі і каханыя дзяўчыны, дочкі і пляменніцы, канечне, чакаюць падарункаў і цёплых слоў ад мужчын. А што хацелася б атрымаць пружанкам больш за ўсё? З такім пытаннем напярэдадні свята карэспандэнты выйшлі на вуліцы райцэнтра. Валянціна Канстанцінаўна: — Нягледзячы на ўзрост, я люблю 8 Сакавіка. Прыемна, што ў календары ёсць дзень, калі ўшаноўваюць жанчын. Самы лепшы падарунак ад мужчыны – гэта кветкі. Мне падабаюцца цюльпаны. А яшчэ вельмі радуюся цёплым словам, якія гучаць з нагоды свята. Тамара і Антаніна: — Самы галоўны падарунак на свята – увага. Менавіта яна дапамагае зразумець, што м

Жаночы калектыў МТФ «Сілічы» — адзін з самых вялікіх у ААТ«Агра-Калядзічы». Працуюць тут аператары Т.М.Нарыкіна, Т.А. Скрабец, брыгадзір А.М.Паляшчук, аператары М.В.Зяйналава і І.І.Харко (на здымку злева направа), а таксама аператары С.В.Кусік, Н.С.Сухарукава, С.А.Паляшчук, М.М.Капчэля і В.А.Аксюцік. Штодня жаночы калектыў здае амаль 8 тон малака і практычна ўвесь аб’ём — гатункам «экстра». Больш за два дзесяцігоддзі працуе цялятніцай Святлана Васільеўна Бунас. Вопытная работніца зараз на МТФ «Руднікі» даглядае 150 цялят, і па выніках сваёй працы жанчына заўсёды ў ліку перадавікоў гаспадаркі.Як зазначае Святлана Віктараўна, на такую работу нельга ісці з дрэнным настроем, усмешка не перашкодзіць і падчас працы. Ветурач Г.В.Буян і тэхнік па племянной справе Т.Г.Васюков