День: 01.04.2020

Загадчыца Пружанскай паліклінікі Вольга Паўлаўна Барысюк расказвае, якія меры засцярогі павінны прымацца наведвальнікамі медустаноў. Па-першае, яшчэ раз хачу звярнуць увагу на неабходнасць выканання рэспіраторнага рэжыму: пры наведванні паліклінікі пажадана ўсім надзяваць медыцынскія маскі! Асабліва гэта тычыцца пацыентаў, якія знаходзяцца на бальнічным і вымушаны прыходзіць на паўторны агляд, а таксама тых, хто прыйшоў да ўрача з першаснымі прыкметамі прастудных захворванняў (тэмпературай, кашлем, насмаркам і г.д.). Вы такім чынам абараняеце і сябе, і нас, медыцынскіх работнікаў, якім неабходна быць на “перадавой” поўнымі сіл. Па-другое, паўсюль (не толькі ў паліклініцы) выконваць дыстанцыйны рэжым, асабліва каля рэгістратуры, не ствараць кучнасці. Звяртайце ўвагу на пад

На момант нашага прыезду ў калідорах Шарашоўскай бальніцы не было ні душы. Заглядваю ў кабінет урача: — У вас такая зайздросная цішыня ў параўнанні з Пружанскай паліклінікай! Няўжо пасялкоўцы не хварэюць? — Проста ў нас зараз абедзенны перапынак, — тлумачыць прыгажуня ў белым халаце, якая, нягледзячы на ўзаконеную вольную гадзіну, сядзіць за рабочым сталом і нешта піша ў картцы апошняга пацыента. І такіх картак на стале – некалькі стосаў. Нават няёмка стала за свае папярэднія думкі. — Не скажу, што сёння вялікі наплыў хворых, але, калі быць дакладнай, у першай палове дня мы з маёй памочніцай Таццянай Рыгораўнай прынялі 23 пацыентаў, — усміхаецца Вераніка Валер’еўна Здановіч, як падказвае бэйдж, урач агульнай практыкі. – Усе запісы трэба выверыць і ўнесці ў адпаведную электронну

Прызнацца, мы сустрэліся з музыкантам-самавучкам Яўгенам Мікалаевічам Яфрэменкам не ў самы лепшы перыяд яго жыцця. Мужчына доўга вагаўся, перш чым згадзіцца на размову з журналістам. Але дырэктар Шарашоўскай СШ А.І.Пернач, намеснікам па гаспадарчай частцы якой ён з’яўляецца, дапамагла наладзіць дыялог. — У кожнага з нас ёсць свае недахопы, таму мы павінны заўсёды даваць шанец людзям, асабліва такім таленавітым і крэатыўным, як Яўген Мікалаевіч, — кажа Аксана Іосіфаўна. І я з ёй поўнасцю згаджаюся. За тыя тры месяцы, што мужчына працуе ў школе, ён дапамог наладзіць музычную дзейнасць на якасна іншым узроўні. Ініцыятыўны, актыўны і працавіты, у адсутнасць музычнага супрацоўніка ён падрыхтаваў цудоўныя музычныя нумары да ўсіх святочных мерапрыемстваў. — Яўген Мікалаевіч ведае

У сувязі з эпідсітуацыяй, якая склалася ў краіне, РУП «Белпошта» пачала праводзіць у аддзяленнях паштовай сувязі адпаведныя санітарна-прафілактычныя мерапрыемствы. У прыватнасці, пачалося забеспячэнне паштовых аб’ектаў дадатковым арсеналам антысептычных сродкаў, таксама праводзіцца рэгулярная дэзынфекцыя памяшканняў. Пенсіянеры, якія звычайна звяртаюцца па атрыманне пенсіі ў аддзяленні паштовай сувязі, маюць магчымасць запрасіць паштальёна для выплаты на дом. Для гэтага неабходна падаць заяўку па тэлефоне ў сваё аддзяленне паштовай сувязі або патэлефанаваць па нумары 154. Падобным чынам на даму прымаецца аплата камунальных і іншых плацяжоў, афармляецца падпіска на перыядычныя выданні і ажыццяўляюцца паштовыя адпраўленні. Пры абслугоўванні насельніцтва паштальёнамі ім даюцца рэкамендацыі