Рэцэпты на Біс

Рэцэпт ад прадаўца магазіна «Оптыка» Вольгі БЕРДНІК. ІНГРЭДЫЕНТЫ: невялікі кабачок, яйка — 2 шт, маянэз — 1 шклянка, малако — 1 шклянка, мука — 2 ст. л., цвёрды сыр — 150 г, каўбаса вараная — 300-500 г, памідор, соль, перац, часнок. ПРЫГАТАВАННЕКабачок нарэзаць кубікамі, абсмажыць на алеі, пасаліць, паперчыць, дадаць часнок. Каўбасу таксама нарэзаць на кубікі і абсмажыць на алеі. Для цеста змяшаць яйкі, муку, маянэз і малако.У форму для запякання выкласці кабачок, каўбасу, заліць цестам. Зверху можна пакласці нарэзаны кружочкамі па-мідор, пасыпацьцёртым сырам. Запякаць у духавой шафе. Смачна есці!

Рэцэпт ад старшакласніцы СШ №1 Насці КАМІНСКАЙ ІНГРЭДЫЕНТЫ Для цеста: яйка – 4 шт., маргарын – 200 г, малако – 3 шклянкі, цукар – 1 шклянка, дрожджы – 100 г, соль – 0,5 ч.л., мука – 1,5 кг. Для начынкі: сыр – 200 г, цукеркі-карамель – 300 г. Прыгатаванне Развесці дрожджы ў цёплым малацэ, дадаць цукар і даць пастаяць мінут 15-20.Дадаць астатнія інгрэдыенты і замясіць цеста.Раздзяліць цеста на 4 часткі, кожную раскатаць у круг.Разрэзаць круг на 8 сегментаў, на кожны з іх пакласці карамельку, пасыпаць цёртым сырам і згарнуць рагалікі.Выкласці рагалікі на бляху і даць выстаяцца 30 мінут (за гэты час яны паднімуцца).Выпякаць 25 мінут пры тэмпературы 180 градусаў. Смачна есці!

Настаўніца гімназіі Яна Савіч Рэцэпт ад настаўніцы гімназіі Яны Савіч ІНГРЭДЫЕНТЫ: Для цеста смятана — 1 шклянка, маянэз — 100 г, яйка — 2 шт., мука — 1 шклянка, гашаная сода — 0,5 ч.л.; Для начынкі рыбныя кансервы (1 бляшанка гарбушы, а можна і шпротаў), цыбуля — 3 шт., бульба — 3 шт. ПРЫГАТАВАННЕ Для цеста змяшаць усе інгрэдыенты. Маса павінна быць як густая смятана. Для начынкі абсмажыць цыбулю, крыху яе падсаліць. Бульбу нацерці на буйной тарцы і таксама пасаліць. У форму выліць палову цеста, на яго выкласці частку цыбулі і бульбы, усе кансервы, зноў цыбулю і бульбу. Заліць другой паловай цеста. Паставіць у духавую шафу. Выпякаць да гатоўнасці. Смачна есці!

Рэцэпт ад прадаўца магазіна «Адзенне з Еўропы» Ноны Валюшка. ІНГРЭДЫЕНТЫ: свіныя стэйкі (колькасць залежыць ад колькасці гасцей), маянэз, кетчуп, гарчыца, часнок, прыправа для мяса, соль. ПРЫГАТАВАННЕ. Стэйкі замарынаваць у маянэзе, кетчупе, гарчыцы, пасаліць, дадаць прыправы і дробна пасечаны часнок. Мяса пакінуць у марынадзе на гадзіну, можна і даўжэй. Выкласці на бляху і запякаць у духоўцы каля гадзіны. У цёплы час года стэйкі можна гатаваць і на грылі. Самым лепшым гарнірам да мясной стравы будзе салат са свежай агародніны. Смачна есці!

Рэцэпт ад настаўніка-дэфектолага СШ №5 Вольгі Лагады. ІНГРЭДЫЕНТЫ: маргарын — 200 г, мука — 2,5 шклянкі, смятана — 1 шклянка, яйка — 1 шт., цукар — 1 ст.л., гашаная сода — 0,5 ч.л. Для начынкі: рыбныя кансервы (або абсмажаныя з цыбуляй грыбы), цвёрды сыр — 150 г, яйка — 2 шт, маянэз. ПРЫГАТАВАННЕ Маргарын, напярэдадні замарожаны ў маразілцы, нацерці на тарцы і перамяшаць з мукой. Дадаць астатнія інгрэдыенты і замясіць цеста. Пакінуць у халадзільніку на 1-2 гадзіны. Пасля цеста раздзяліць на 5 частак і выпячы 5 каржоў (пры тэмпературы 180 градусаў да залацістай скарынкі). Сам торт робіцца наступным чынам: першы корж змазаць маянэзам, зверху нацерці сыр, на другі корж выкласці рыбную кансерву або грыбы (на ваш смак),  трэці корж змазаць маянэзам, зверх

Рэцэпт ад вучаніцы 7 класа гімназіі Юліі Карасёвай. ІНГРЭДЫЕНТЫ: яйкі — 2 шт., цукар — 200 г, сметанковае масла — 200 г, мука — 200 г, сода — 4 г, ванілін — 2-3 г, дражэ M&Ms — 100 грамаў. ПРЫГАТАВАННЕ Яйкі ўзбіць з ванілінам і цукрам у пышную пенную масу, затым уліць растопленае, але не гарачае масла. Зноў змяшаць усё міксерам. Да вадкіх кампанентаў дадаць муку, прасеяную і змяшаную з содай. Атрымаецца цягучая сумесь, у якую трэба ўмяшаць каляровыя шакаладныя гарошынкі, але не ўсе — частку дражэ трэба пакінуць для ўпрыгожання. Выкласці цеста кавалачкамі адвольнай формы на невялікай адлегласці адзін ад аднаго. Зверху ўціснуць па некалькі цукерак і паставіць у духавую шафу на 15-20 мінут пры тэмпературы 190 градусаў. Смачна есці!

Рэцэпт ад Вольгі Чарніцкай. ІНГРЭДЫЕНТЫ: свіная шыя — 2 кг, чабор (тимьян) — 4 галінкі, лімон — 1 шт., перац гарошкам — 1 ч.л., соль — 2 ст.л., мёд — 3 ст. л., гарчыца французская — 2 ст.л., каньяк — 100 мл, морква — 4 шт., цыбуля — 3 шт., часнок — 1 галоўка. ПРЫГАТАВАННЕ Усе спецыі здрабніць у ступцы. Мяса вымыць і высушыць папяровым ручніком, нацерці соллю. Гарчыцу, мёд, сок палавіны лімона змяшаць, у глыбокім кантэйнеры замарынаваць у гэтым марынадзе мяса. Пакласці палову лімона і галінкі чабару. Праз 3 гадзіны мяса перавярнуць. Марынаваць 5-6 гадзін. Нагрэць духоўку да 200 градусаў. У пакет для запякання пакласці моркву, цыбулю, часнок (парэзаць буйнымі кавалкамі), чабор, палову лімона, а зверху выкласці мяса. Дадаць увесь марынад і 100 мл каньяку. Шчыльна закрыць пакет і а

Рэцэпт ад інспектара аддзела кадраў ДРБУ-140 Святланы Савіцкай. ІНГРЭДЫЕНТЫ: маладыя кабачкі — 1 кг, для марынаду: соль — 2 ч.л., рафінаваны алей — 70 г, воцат — 2 ст.л., цукар — 2 ст.л., часнок — 1 галоўка (прапусціць праз прэс), молаты чорны перац — 1 ч.л., молаты чырвоны перац — 1 ч.л., кроп, пятрушка (дробна пасячы). ПРЫГАТАВАННЕКабачкі нарэзаць вельмі тонкімі колцамі, заліць марынадам і пакінуць у хала-дзільніку на 2 гадзіны. Страва гатова! Усе, хто яе каштаваў, — у захапленні.Смачна есці!

Рэцэпт ад брыгадзіра хлебазавода Святланы Аўсюк. ІНГРЭДЫЕНТЫ:мука -- 9 ст.л.,яйка -- 2 шт.,смятана -- 4 ст.л.,маянэз -- 4 ст.л.,начынка -- любая (каўбаса, сасіскі, грудзінка),памідоры -- 2 шт.,сыр цвёрды -- 150 г.ПРЫГАТАВАННЕЗмяшаць яйкі, смятану і маянэз. Дадаць муку і замясіць цеста (яно павінна атрымацца, як смятана). Патэльню змазаць алеем, выліць цеста. Зверху выкласці начынку, нарэзаныя колцамі памідоры, зрабіць сетачку з маянэзу, пасыпаць сырам. Патэльню паставіць на сярэдні агонь і гатаваць 5 мінут без накрыўкі і яшчэ 5 мінут -- пад накрыўкай, пакуль не расплавіцца сыр.Смачна есці!

Рэцэпт ад рэжысёра гарадскога Палаца культуры Алёны Жмайлік. ІНГРЭДЫЕНТЫ: Для пясочнага цеста мука — 300 г, сметанковае масла пакаёвай тэмпературы — 125 г, разрыхляльнік — 1 ч.л., яйка — 1 шт., цукар — 4 ст. л., какава — 2 ст.л. Для тварожнай масы тварог — 500-600 г, яйкі — 3 шт., цукар — 3/4 шклянкі, ванільны пудынг (парашок) — 1 пачак, смятана — 1/2 шклянкі. ПРЫГАТАВАННЕ Спачатку трэба прыгатаваць эластычнае цеста. Для гэтага старанна ў глыбокім посудзе змяшаць усе інгрэдыенты (акрамя яйка) і з дапамогай відэльца ператварыць іх у крошку. Дадаць яйка і вымесіць цеста. Атрыманую масу выкласці ў круглую форму і сфарміраваць борцікі. Для тварожнай заліўкі трэба прапусціць тварог праз мясарубку, дадаць пудынг і перамяшаць. Яйкі ўзбіць з цукрам, дадаць смятану і з дапамогай блэндара

Рэцэпт ад пераможцы конкурсу «Queens-шоу» Алены Рэпіхі. ІНГРЭДЫЕНТЫ: курыца (сцёгны ці галёнка) — 1 кг, соевы соус — 100 г, кетчуп — 100 г, кока-кола — 100 г, вашы любімыя спецыі (па жаданні, у класічным рэцэпце яны адсутнічаюць). ПРЫГАТАВАННЕСтрава гатуецца вельмі проста: атрыманым марынадам заліваецца курыца. Яе трэба марынаваць не менш за гадзіну. Пасля ўсё трэба перакласці ў глыбокую бляху і запякаць да гатоўнасці. Соус, які атрымаецца пры запяканні, можна выкарыстоўваць з любым гарнірам. Я пакаштавала гэтую страву ў Ізраілі, там яе звычайна падаюць з рысам. Смачна есці!

Рэцэпт ад візажыста Юліі Вакульскай. ІНГРЭДЫЕНТЫ: філе гарбушы, грыбы, смятана, цыбуля, алей, мука, сухі кроп, соль, перац, куркума молатая. ПРЫГАТАВАННЕНарэзаныя грыбы абсмажыць на алеі, дадаць паўкольцы цыбулі і смажыць яшчэ 5 мінут. У масу ўсыпаць сталовую лыжку мукі, куркуму (на кончыку нажа) і смажыць, пакуль мука не набудзе залацісты колер. Дадаць смятану і добра перамяшаць, пасля даліць вады, пасаліць і паперчыць, давесці да кіпення. Соус трэба ўвесь час памешваць, каб не атрымліваліся камячкі. Рыбу нарэзаць на невялікія кавалкі, запаніраваць у муцэ і абсмажыць. Кавалачкі смажанай рыбы апусціць у гатовы соус, добра перамяшаць і патрымаць на агні яшчэ некалькі мінут. Смачна есці!

Рэцэпт ад мамы ў дэкрэце Ганны Каляды, вялікай аматаркі выпечкі. ІНГРЭДЫЕНТЫ: мука — 250-300 г, сметанковае масла пакаёвай тэмпературы — 100 г, цукар — 100г, яйка — 1 шт., мёд — 2 ст.л., сода — 0,5 ч.л., імбір — 2 ч.л., карыца — 1 ч.л., гваздзік, кардамон, духмяны перац, аніс, мускатны арэх, какава, цэдра (чым больш спецый, тым смачней і духмяней!).ПРЫГАТАВАННЕПрасеяць муку, дадаць соду і здробненыя спецыі. Добра перамяшаць.У другім посудзе да пышнай масы ўзбіць сметанковае масла і цукар. Калі маса пасвятлее, дадаць яйка і працягваць узбіваць. Па жаданні можна дадаць вадкі мёд. У два заходы высыпаць муку, спачатку вымешваць венчыкам, пасля рукамі (цеста па-вінна заставацца мяккім).Цеста завярнуць у харчовую плёнку і пакінуць у хала-дзільніку на некалькі гадзін. Калі цеста адлежыцц

Рэцэпт ад загадчыцы сектара вучэбна-выхаваўчай работы аддзела па адукацыі Юліі Пасько. ІНГРЭДЫЕНТЫ: курынае філе — 3 шт., аліўкавы алей — 3 ч. л., памідор — 1-2 шт., балгарскі перац — 1 шт., зялёны гарошак (замарожаны) — 50 г (можна замяніць на ананасы — 2 колцы), сыр — 80 г, грэчаскі ёгурт — 80 г (можна замяніць любым мяккім тварагом або густым ёгуртам), прыправа для курыцы, соль, перац. ПРЫГАТАВАННЕ У курыным філе зрабіць надрэзы ў выглядзе кішэні. Змяшаць соль, перац, прыправу, алей і замарынаваць філе на 10-15 мінут. Для начынкі змяшаць парэзаныя кубікамі памідор, перац, гарошак (або ананас), дадаць ёгурт, цёрты сыр (50 г), пасаліць і паперчыць. Выкласці начынку ў кішэнькі і адправіць у духоўку на 35 мінут пры тэмпературы 200 градусаў. Пасыпаць сырам, які застаўся, і пак

Рэцэпт ад настаўніцы гімназіі Алены Арабчык. ІНГРЭДЫЕНТЫ: грыбы сушаныя, печань ялавічная, яйкі, морква, агуркі марынаваныя, цыбуля, соль, маянэз альбо смятана (усе інгрэдыенты прыкладна ў роўных прапорцыях). ПРЫГАТАВАННЕ Грыбы адварыць (можна папярэдне замачыць у ва-дзе), паасобку адварыць моркву, печань, яйкі. Грыбы, цыбулю і моркву нарэзаць саломкай і абсмажыць. Печань і яйкі таксама нарэзаць саломкай. Усё змяшаць. Салату заправіць смятанай ці маянэзам. Смачна есці!