Подписка

Святлана Уладзіміраўна Петравец з в. Слабудка выйграла пыласос: — Якраз напярэдадні чарговага конкурсу сярод падпісчыкаў, які арганізавала газета «Раённыя будні», у мяне зламаўся пыласос. Ну, думаю, варта пачынаць збіраць грошы, бо без гэтага памочніка займацца хатняй уборкай будзе складаней і спатрэбіцца больш часу. А тут, атрымаўшы свежы выпуск газеты, убачыла аб’яву аб розыгрышы і даведалася пра тое, што адзін з прызоў — пыласос. Вырашыла пакуль адкласці пакупку і паспытаць сваю ўдачу. І газета ажыццявіла маю мару!

Сярод удзельнікаў рэкламнай гульні «Шанец на поспех» уладальніцай смартфона стала Таццяна Пракопаўна Смактуновіч, якая жыве ў Белавусаўшчыне. Уся працоўная дзейнасць жанчыны звязана з эксперыментальнай базай «Белавусаўшчына», дзе яна працавала ўчотчыцай, бухгалтарам і цялятніцай. Па прычыне цяжкай хваробы адзінока пражываючая Таццяна Пракопаўна цяпер з’яўляецца інвалідам II групы і практычна не выходзіць за межы сваёй кватэры. Адзінымі крыніцамі інфармацыі для яе з’яўляюцца газета «Раённыя будні», якую яна пастаянна выпісвае, і тэлевізар. — І раней удзельнічала ў рэкламных гульнях, якія праводзіла «раёнка», але ўладальніцай прыза стала ўпершыню, — гаворыць жанчына. — Наш паштальён прынесла пенсію і адразу аформіла падпіску на газету, якая стала шчаслівай для мяне. На зды

Ірына Іванаўна Кузьміч, дырэктар Мураўскага сельскага Дома культуры, выйграла камплект двухспальнай пасцельнай бялізны “Паўлінка”: — Дзякуй роднай газеце за такі добры падарунак. Прызнаюся, гэта другі выйгрыш у маім жыцці. Першы раз я выйграла будзільнік у розыгрышы, які арганізоўвала газета “Вячэрні Брэст”, і было гэта гадоў 15 таму. Так што, можна сказаць, з прэсай мне вельмі шанцуе. Колькі сябе памятаю, мае бацькі заўсёды выпісвалі “Раённыя будні” і чакалі іх з вялікім нецярпеннем. А сёння ўжо я нават уявіць сабе не магу, каб дома не было вашай газеты. Люблю “раёнку”, паважаю і з задавальненнем чытаю пра ўсе падзеі, якія адбываюцца ў нашым раёне. Жадаю рэдакцыі газеты ў новым годзе павелічэння колькасці падпісчыкаў, росквіту і больш добрых і радасных навін. Усім супрацоўнікам —

Зінаіда Аляксееўна Чапялевіч з аг.Лінова выйграла прас: — Чытаю «раёнку» не адзін дзясятак гадоў, і, трэба адзначыць, цікавасць да гэтай газеты ў мяне не гублялася ніколі. Вельмі прыемна, што рэдакцыя вырашыла праводзіць такія навагоднія конкурсы сярод падпісчыкаў. Другі раз спрабую ўдзельнічаць у розыгрышы, і вось стала пераможцай. Хаця ні ў якім разе не пакрыўдзілася б, калі б перамога прайшла міма мяне. У любым выпадку мне застаюцца любімыя «Раённыя будні», чарговы выпуск якіх заўсёды чакаю з нецярпеннем. Дарэчы, з цікавасцю «раёнку» чытаю не толькі я, але і мая ўнучка Вераніка, калі прыязджае на канікулы да бабулі.

Нягледзячы на колькасць пражытых гадоў, кожны напярэдадні навагодніх святаў спадзяецца на цуд. Нешта прыемнае абавязкова здарыцца, хаця часам трэба самім прыкласці невялікія намаганні, каб стварыць сабе і сваім родным свята. Мы, калектыў газеты «Раённыя будні», успрымаем вас, нашы чытачы, як родных людзей, як членаў сваёй даволі вялікай сям’і. І, зразумела, хочацца, вельмі хочацца зрабіць вам навагодні падарунак. Ды не адзін, а адразу восем: менавіта столькі сюрпрызаў для сваіх падпісчыкаў мы падрыхтавалі для розыгрышу ў пераднавагоднім конкурсе. Пры гэтым шанец выйграць любы прыз усе нашы чытачы маюць аднолькавы, незалежна ад таго, жывуць яны ў Крыніцы або Блізной. Галоўнае — даслаць квіток аб падпісцы ў рэдакцыю і стаць удзельнікам розыгрышу. А вось што падпісчыкам хацелася б атрымаць ад