Автобудни

ДАІ Рэспублікі Беларусь выступіла з ініцыятывай знізіць устаноўлены парог хуткасці ў населеных пунктах з 60 км у гадзіну да 40. Ці падтрымліваюць такую ідэю вадзіцелі Пружаншчыны? Андрэй: — Неабходнасць уводзіць падобнае абмежаванне ўвогуле не бачу. Напрыклад, у нашым горадзе на многіх участках вуліц ужо стаяць знакі «40». А ёсць і такія месцы, дзе больш і не разгонішся: ці то з-за «ляжачых паліцэйскіх», ці то з-за стану дарог. Пакуль у нас няма «пробак», бо часам можна разагнацца і да 60, а калі забараніць і гэта, то, на маю думку, увесь аўтамабільны паток у Пружанах стане. Дзмітрый: — Калі ДАІ прапануе такое, то, напэўна, гэта неабходна. Магчыма, з-за таго, што ў населеных пунктах шмат пешаходаў, у тым ліку і малалетніх, якія могуць раптоўна выбегчы на дарогу. На хуткасці 40

У лютым на адным з пасяджэнняў Савета бяспекі краіны Кіраўнік дзяржавы ўзняў пытанне наконт выпадкаў прычынення ўрону сельгасугоддзям з боку ўладальнікаў снегаходаў і квадрацыклаў. Справа ў тым, што паток падобных скаргаў ад кіраўнікоў аграпрамысловых прадпрыемстваў штогод толькі павялічваецца, пашкоджанні ацэньваюцца тысячамі рублёў. У сувязі з гэтым Прэзідэнт Рэспублікі Беларусь запатрабаваў ад праваахоўных органаў больш жорстка ставіцца да такіх выпадкаў, своечасова выяўляць парушальнікаў і строга іх караць, прымяняючы нават канфіскацыю транспартных сродкаў. З улікам гэтага Дзяржаўтаінспекцыя настойліва рэкамендуе ўладальнікам снегаходаў, квадрацыклаў, балотаходаў захоўваць устаноўленыя правілы. Згаданыя транспартныя сродкі ў адпаведнасці са сваімі тэхнічнымі характарыстыкамі і асаблів

Як прызнаўся адзін з гасцей нашага горада, такога экстрыму яму не давялося бачыць ні ў адным месцы, дзе пабываў. А меў ён на ўвазе гарадскія аўтобусы, паслугамі якіх скарыстаўся, дабіраючыся ў вёску Новыя Засімавічы. — Вадзіцелі грамадскага транспарту — сапраўдныя віртуозы за рулём: настолькі «ювелірна» ім даводзіцца «ўпісвацца» ў вузкія павароты, што дух займае, калі глядзіш на падобныя манеўры,— падзяліўся сваімі ўражаннямі мужчына.— Мне аднойчы давялося на свае вочы пабачыць танкавы біятлон, дык вось вадзіцелям-механікам далёка да майстэрства пружанскіх кіроўцаў. Сапраўды, такое меркаванне мае месца быць, бо і самому даводзілася неаднойчы назіраць непасрэдна праз акно гарадскога аўтобуса, як літаральна за сантыметры ад бардзюраў або іншых транспартных сродкаў вымушаны «МАЗы» вырульвац

Напрыканцы 2017 года адбылося выніковае пасяджэнне камісіі па бяспецы дарожнага руху на чале з намеснікам старшыні райвыканкама С.М.Гукам. Як адзначыў Сяргей Міхайлавіч, за год было зроблена нямала, практычна ўсе рэалізуемыя мерапрыемствы былі накіраваныя на паляпшэнне сітуацыі на дарогах Пружаншчыны. Асобна варта адзначыць той факт, што дзякуючы намаганням па ўдасканаленні дарожнага руху ўдалося пазбегнуць аварый там, дзе яны рэгістраваліся ў папярэднія гады. Што зроблена ў 2017 годзе? На падставе зваротаў грамадзян і з улікам аварыйных выпадкаў летась было вырашана ўнесці змены ў рэгуляванне дарожнага руху на шэрагу гарадскіх вуліц. Напрыклад, была створана добраўпарадкаваная аўтамабільная стаянка каля малочнага камбіната і «Данон Пружаны», аб чым неаднаразова паступалі просьбы ад прац

Мы працягваем публікаваць фотаздымкі, зробленыя ў тым ліку і нашымі чытачамі, што адлюстроўваюць незвычайныя або смешныя сітуацыі на дарогах раёна. На гэты раз да нас звярнуліся жыхары вуліцы Вашкевіча, дзе абсталяваны незразумелы пешаходны пераход на Т-падобным скрыжаванні. Дарожныя знакі пастаўлены там такім чынам, што амаль уся праезная частка скрыжавання пераўтварылася ў пераход, з-за чаго і пешаходы, і вадзіцелі часта трапляюць у незразумелыя сітуацыі «хто каму павінен саступаць». А разметка «зебры» на дарозе ўвогуле адсутнічае.

Пакуль зімовае надвор’е спрыяе аўтааматарам, раз-пораз пагражаючы невялікімі снегападамі ды нядоўгім галалёдам на дарозе. Але зменлівасць нашага клімату не дае падставы спадзявацца, што гэтак жа будзе і далей. Галоўнае, каб капрызы прыроды не напаткалі вадзіцеляў непадрыхтаванымі. Таму мы публікуем некалькі парад ад вопытных аўтаінструктараў. Самыя важныя «правілы стаянкі» Зімой непрыемнасці вас могуць напаткаць яшчэ да таго, як вы завялі матор свайго аўто. Напрыклад, часта такая карціна: раніцай вадзіцель выйшаў з пад’езда, а яго машына, якую ён увечары паставіў на добра ўтрамбаваную гурбу снегу, знаходзіцца прама пасярод вельмі глыбокай лужыны. На жаль, спрагназаваць такі казус складана, а вось ногі замачыць вельмі лёгка. Так што стаўце машыну на ачышчаным ад снегу ўчастку, пажадана

З такім пытаннем мы звярнуліся да вадзіцеляў на вуліцах горада. Аляксандр: — Па праўдзе кажучы, ніколі не задумваўся аб гэтым: вывучыў тое, што патрабавалася, і цяпер строга прытрымліваюся вызначаных правілаў. І думаю, што ўсё зроблена справядліва: парушыў — плаці штраф. Парушальнік абавязкова павінен быць пакараны. Вольга: — ПДР павінны быць жорсткімі, асабліва для нашага народа, якога можна толькі напалохаць і прымусіць выконваць устаноўленыя патрабаванні. Спадзяюся, што такія меры зробяць дарогі больш бяспечнымі. Я таксама з’яўляюся ўдзель-нікам дарожнага руху і хачу загадзя ведаць, які манеўр будзе здзяйсняць вадзіцель, што едзе спераду або ззаду. А што будзе, калі кожны стане ездзіць так, як яму захочацца? Андрэй: — З аднаго боку, пакаранні за розныя парушэнні ПДР уведзены

Надзвычайных сітуацый на дарогах раёна здараецца нямала, і ні адна з іх не падобная на іншую. Як раяць вопытныя вадзіцелі, варта заўсёды захоўваць асцярожнасць і выконваць простыя правілы «аварыйнай бяспекі». Мы сабралі найбольш універсальныя рэкамендацыі і знайшлі адказы на самыя папулярныя пытанні нашых чытачоў. Самае галоўнае. Ад падрабязнай фіксацыі ўсіх акалічнасцей аварыі залежыць многае. У будучым на падставе першапачаткова складзеных дакументаў — пратакола агляду месца здарэння, даведкі аб ДТЗ, пратакола аб тэхнічным стане транспартных сродкаў, схемы і тлумачэння ўдзельнікаў аварыі, паказанняў сведак і г.д. — органы ДАІ ўстанаўліваюць сувязь паміж дзеяннямі кіроўцаў і наступствамі здарэння. Як расказваюць відавочцы падобных здарэнняў, часта іншыя ўдзельнікі дарожнага руху

Наталля: — Адназначна «за», бо лічу іх выдатным абмежавальнікам хуткасці аўтааматараў і памочнікам у падтрыманні бяспекі для пешаходаў. Прызнаюся, што некаторая доля нязручнасцей прысутнічае, але варта з гэтым прымірыцца. Таццяна: — Я не супраць штучных няроўнасцей, але не ў такой колькасці, як у нас. Напрыклад, на вуліцах Вінаградава і Янкі Купалы магло б быць і менш «ляжачых паліцэйскіх». Увогуле навошта іх ствараць на перасячэнні дарог, дзе разумны ведае, што трэба скідваць хуткасць? А неразумнага і перашкоды не спыняць. Святлана: — Іншых магчымасцей і сродкаў для скарачэння аварый на дарогах я не бачу. Як вадзіцелю мне, зразумела, лягчэй ездзіць па дарогах без няроўнасцей, але ніякіх значных цяжкасцей «ляжачыя паліцэйскія» не ствараюць. Аляксандр Віктаравіч: — Я поўнасцю п

У рэдакцыю газеты звярнуліся дзве чытачкі, якія закранулі некаторыя праблемы, што існуюць на аўтобусных прыпынках у горадзе. —Некаторыя аўтобусныя прыпынкі зроблены такім чынам, каб дастаўляць не зручнасці пасажырам, а толькі непрыемнасці, — скардзяцца жанчыны. — Напрыклад, на прыпынку «Бальніца» па вуліцы Міцкевіча настолькі пабіты асфальт, што чалавек спатыкаецца і лёгка можа ўпасці, выходзячы з аўтобуса.  А на вуліцы Шашэйнай аднайменны прыпынак мае павільён, устаноўлены проста на зямлі. Падчас дажджу там збіраецца лужына, з-за якой схавацца пад дахам ад непагадзі ўвогуле немагчыма. Фота Сяргея Талашкевіча.

Нягледзячы на сур’ёзныя штрафы, на дарозе можна сустрэць аўтамабіль, які рухаецца «зігзагамі». Ці веласіпедыста, які дабіраецца дадому «па прыборах». Мы спыталі ў вадзіцеляў: як яны паводзяць сябе пры сустрэчы з «неадэкватным» кіроўцам? Аляксандр: — Вельмі часта сустракаю падобных удзельнікаў дарожнага руху, прычым пароўну вадзіцеляў аўтатранспарту і веласіпедыстаў. Вызначыць нецвярозага вельмі проста: ён едзе, не звяртаючы ўвагі на разметку. Можа па восевай рухацца ці зусім выехаць на сустрэчную паласу. Я імкнуся адразу павялічыць адлегласць да такога «ездака». Разумею, што лепш паведаміць аб падобнай сустрэчы ў інспекцыю ДАІ, але ні разу гэтак не рабіў, бо не прывучаны. Таццяна: — Нецвярозых веласіпедыстаў, на шчасце, не даводзілася сустракаць на дарогах раёна. Хаця

Апошнія гады цікава назіраць за тым, якім чынам у нас укараняюцца змены ў дарожную сетку райцэнтра. Спачатку масава ўстанаўліваліся «ляжачыя паліцэйскія», па колькасці якіх Пружаны, напэўна, сталі лідарам у вобласці. Дарэчы,  хацелася б, каб газета разабралася, ці ўсе яны ўстаноўлены з выкананнем дзеючых стандартаў і патрабаванняў. Бо чытаў, што ў абласным цэнтры нядаўна было праверана 22  штучныя перашкоды на праезнай частцы, і ні адна з іх не адпавядала нарматывам. Але сёння мне хочацца звярнуць увагу на афарбаваныя ў жоўты колер бардзюры, якія з’явіліся на вуліцах Будаўнічай і Чырвонаармейскай. Нагадаю, што, згодна з Дадаткам 3 да Правілаў дарожнага руху, які рэгламентуе нанясенне разметкі, у частцы            &

У адным з выпускаў тэлеперадачы «Контуры» на канале «АНТ» начальнік упраўлення дзяржаўтаінспекцыі МУС Рэспублікі Беларусь Дзмітрый Карзюк анансаваў работу над змяненнямі ў ПДР. Напрыклад, будуць удасканалены нормы наконт пропуску пешаходаў на «зебры», якія з’явіліся ў 2007 годзе. Зараз яны не маюць канкрэтыкі,   з-за чаго ў любых сітуацыях заўсёды лічыцца вінаватым вадзіцель. Але ў адным з пунктаў ад кіроўцы патрабуецца знізіць хуткасць і прапусціць пешахода. У іншым існуюць  патрабаванні да пешаходаў,  якія павінны пераканацца ў бяспецы перад тым, як пераходзіць праезную частку. Як паведаміў Дзмітрый Карзюк, у новых правілах  па-іншаму прапішуць прыярытэты вадзіцеляў і пешаходаў на пераходзе. Маецца на ўвазе, што вызначыцца, у якім месцы і ў які час кіроўца павінен

Стаянка, але... не для ўсіх Дзякуючы «правільна» зробленай дарожнай разметцы, значная частка аўтастаянкі на вуліцы Кастрычніцкай, каля аддзялення банка і аптэкі, прызначана не для ўсіх. Трапіць на яе без парушэння правілаў руху могуць толькі тыя, хто рухаецца па прылеглай паласе праезнай часткі. Калі ж ехаць з суседняй паласы — ад святлафора ў бок гарадскога кальца,  — можна «трапіць на штраф» за перасячэнне суцэльнай лініі разметкі. «Правільнай дарогай едзеце, таварышы! Правілы строга гавораць, што галоўным прыярытэтам валодаюць часовыя дарожныя, потым пастаянныя і толькі пасля іх варта звяртаць увагу на праезнай частцы на іншыя інфармацыйныя элементы. А як быць у сітуацыі, калі выязджаеш з вуліцы 1 Мая на вуліцу Янкі Купалы? Папярэджваем! Інфармацыйны знак аб перашк

У жніўні мінулага года я трапіў у аварыю, у якой, як прызнана пазней, не было маёй віны. Вінаваты бок спачатку абяцаў кампенсаваць выдаткі, але потым ад свайго абяцання  адмовіўся. Цяпер давядзецца праводзіць разбіральніцтва ў судзе. Таму шукаю сведкаў дарожнага здарэння. Яно адбылося каля дзявятай гадзіны вечара 26 жніўня 2016 года на вуліцы Шашэйнай вёскі Лінова. Легкавым аўтамабілем была збіта карова і пацярпеў пагоншчык жывёлы. Асабліва заклікаю адгукнуцца па тэл.9-27-81 або 8-033-691-01-83 хлопцаў, якія пераносілі пацярпелага з праезнай часткі дарогі на абочыну.  Не будзьце раўнадушнымі, ваша дапамога вельмі патрэбна! З падзякай, вадзіцель аўто Мікалай.