Автор: Admin1

Рашэннем Пружанскага раённага выканаўчага камітэта ад 23 жніўня 2021 г. № 1556 вызначаны тэрыторыі, у межах якіх забаронена ўтрыманне свіней. Рашэнне было апублікавана ў нумары «Раённых будняў» за 1 верасня гг., але з нагоды яго паступаюць пытанні. Нагадаем, што да тэрыторый, на якіх нельга ўтрымліваць свіней, адносяцца наступныя населеныя пункты: -Белавусаўшчына, Вялікія Якавічы, Бузуны, Жадзены, Агароднікі, Парасляны і хутар Палінова Пружанскага сельсавета, -Руднікі, Бельчыцы, Казлы, Ляжайка, Мокрае, Несцяркі, Сілічы, Клепачы, Замошша, Котра, Краснае, Кушлі, Ліхачы, Нямковічы, Пескі, Пасталова Мокраўскага сельсавета, -Дабучын, Ражковічы Хараўскога сельсавета, -Калазубы, Бор-Ліпы, Буцькі, Далкі, Вітараж, Загалічы, Еськаўцы, Каплі, Кавалі, Навасады, Паўлава, Перасадзічы

Рэцэпт ад намесніка дырэктара па вучэбна-выхаваўчай рабоцецэнтра творчасці дзяцей і моладзі Ганны Андрусевіч Інгрэдыенты:мясны фарш — 600 г,сметанковае масла — 60 г,мука — 2,5 ст. лыжкі,аліўкавы алей — 2 ст. лыжкі,малако — 750 мл,лісты лазанні — 10 шт.,цвёрды сыр — 500 г. ПрыгатаваннеДля соусу ў сатэйніку растапіць большую частку сметанковага масла. Паступова дадаваць муку і добра размешваць, каб не заставалася камячкоў. Калі ўся мука размяшалася, паступова ўліць малако. Зменшыць агонь і давесці да кансістэнцыі смятаны. Фарш (лепш свініна + цяляціна) смажыць на патэльні да паўгатоўнасці на алеі. Пасаліць, паперчыць на смак і дадаць частку атрыманага соусу. Форму для запякання (яна павінна быць дастаткова глыбокай, каб соус не расцякаўся) змазаць рэшткамі сметанковага масл

Цёплыя словы ўдзячнасці і пажаданні ўсяго найлепшага з вуснаў падпалкоўніка К.У.Шаўчэнкі і яго намесніка начальніка мабілізацыйнай групы маёра С.В.Канановіча прагучалі ў тым ліку ў адрас Соф’і Антонаўны Чарнак. Яе сын Уладзімір служыў у Афганістане ў 1983 годзе санінструктарам. Ён загінуў падчас перавозкі ў шпіталь параненых і хворых салдатаў. Фота з ваенкамата

Залацістая, як апошнія прамяні асенняга сонейка, кукуруза сёлета радуе аграрыяў Пружаншчыны і вышынёй, і ўраджайнасцю. Па апошнім паказчыку наш раён увогуле сярод абласных лідараў. Добры ўраджай кукурузы ў гэтым сезоне збіраюць і ў ААТ «Пружанскі райаграсэрвіс». На палях сельгаставарыства пабывалі карэспандэнты газеты. На месца працы Аляксандр Юр’евіч Сергяенка прыязджае на досвітку. Да такіх ранніх пад’ёмаў ураджэнец Кіргізіі прызвычаіўся яшчэ тады, калі служыў у Ноўгарадзе, а пасля – у Новых Засімавічах. Ды і 20-гадовы вопыт работы ў гаспадарцы дарагога варты. Перш за ўсё, трактарыст правярае стан свайго «Ягуара». Камбайн сёлета адзначае «паўналецце», але служыць аддана. Мужчына шчыруе на ім сёмы год.Кукурузнае «жніво», як прызнаецца Аляксандр Юр’евіч, яго радуе, бо «царыца палёў

Зрабі прышчэпку -- дай сабе шанец! З падобным заклікам мог бы звярнуцца з газетнай старонкі да жыхароў раёна любы спецыяліст, які працуе ў «чырвонай» зоне раённай бальніцы, а не толькі анестэзіёлаг-рэаніматолаг Максім Жук. Але менавіта падчас дзяжурства Максіма Васільевіча журналісты «раёнкі» завіталі на перадавую барацьбы з каранавірусам, у рэанімацыю. Анестэзіёлаг-рэаніматолаг Максім Жук Быць ці не быць… Як бы гэта банальна ні гучала, але сёння вакол кампаніі па вакцынацыі супраць каранавіруснай інфекцыі разгортваюцца самыя сапраўдныя шэкспіраўскія страсці. Адны вераць у сілу ўласнага імунітэту, другія моўчкі сумняваюцца ў эфектыўнасці прышчэпкі ад COVID-19, трэція катэгарычна выступаюць супраць вакцын і з упэўненасцю “экспертаў” актыўна распаўсюджваюць фэйкі пра наступствы “Спада

Шлях у прафесію для Алесі Новік пачаўся яшчэ падчас вучобы ў школе: яна захапілася прыкладам старэйшай сястры і вырашыла таксама стаць фармацэўтам. Пружанскай дзяўчыне пашчасціла атрымаць мэтавае накіраванне, і яна паступіла ў Беларускі дзяржаўны медыцынскі каледж. Сёлета Алеся Юр’еўна ўжо ў якасці дыпламаванага спецыяліста вярнулася ў Пружаны, пачала працаваць у цэнтральнай аптэцы №7 па вул.Кастрычніцкай. Зараз дзяўчына выконвае абавязкі фармацэўта-рэцэптара: не толькі займаецца рэалізацыяй гатовых лекаў, але і вырабляе прэпараты па рэцэптах. Зараз малады спецыяліст свой першы працоўны дзень успамінае з усмешкай. Пачынаць, прызнаецца, было вельмі цяжка, але, дзякуючы настаўленням вопытных калег, паступова асвоіла ўсе асаблівасці прафесіі. А яшчэ пераканалася ў тым, што супра

З сям’ёй Жэлянгоўскіх мы сустракаліся два гады таму. Калі вы памятаеце, тады асноўная ўвага была гаспадару — святару Уладзіміру, пра якога прасілі напісаць удзячныя прыхаджане мураўскага храма. Сёння надышла чарга быць у цэнтры падзей яго матушцы. Алена Мікалаеўна Жэлянгоўская – адна з трох шматдзетных маці раёна, якія сёлета ўдастоены ордэна Маці (гэтага высокага звання таксама ўдастоены Таццяна Міхайлаўна Пацапня і Вольга Уладзіміраўна Прэдка). — Такой славы я сабе ніколі не шукала! Проста нараджала столькі дзяцей, колькі Бог даваў, ні ад кога не адмаўлялася. Прызнацца, калі ўпершыню стала мамай, то нават і марыць не магла, што ў будучыні ў мяне з‘явіцца столькі шчасця. Дзеці – гэта сэнс нашага з мужам жыцця, – кажа жанчына, якую акружае прыгожае дзіцячае суквецце. Сама Але

Сярод вялікай колькасці накірункаў работы, якімі займаецца лідар сельгасгаліны раёна і краіны ААТ «Ружаны-Агра», цяжка вылучыць самы галоўны. Але ж немалаважнае значэнне тут надаюць свінагадоўлі. Комплекс ва ўрочышчы Бор-Ліпы быў пабудаваны больш за 10 гадоў таму. Колькасць свіней, якія ўтрымліваюцца тут сёння, перавышае 20 тысяч галоў. Сёлета прозвішча аператара свінакомплексу Сяргея Пятровіча Смаля было занесена на раённую Дошку гонару. Яго працоўная раніца, як і ва ўрача, пачынаецца з абходу. Кантроль стану здароўя жывёл – на першым месцы. Ну, а добрае здароўе і прывагі напрамую залежаць ад правільнага харчавання. Таму аператар свінакомплексу пастаянна сочыць таксама за напаўняльнасцю кармушак. І гэта толькі малая частка яго абавязкаў. Да такой работы Сяргей Пятровіч прывык д

Наш раён — адзін з нямногіх на Брэстчыне, дзе, акрамя асноўных відаў сельгаскультур, добра расце хмель. Менавіта гэты рэгіён заснавальнікі фермерскай гаспадаркі «Магнум-хмель» — сям’я Антановічаў з Маларыты — выбралі для пашырэння сваёй асноўнай вытворчасці — вырошчвання хмелю. Як расказвае Андрэй Валер’евіч, адбылося гэта ў 2002 годзе. Кантроль за ўпакоўваннем прадукцыі, якую робіць К.В.Гурыч, вядзе брыгадзір Г.С.Храпаль — У той час разам з бацькам шукалі падыходзячыя ўчасткі, вывучалі розныя варыянты, але больш за ўсё пераваг было менавіта ў Пружанскага раёна, бо тут некалі была пабудавана спецыяльная пляцоўка і патрабавалася менш капітала-ўкладанняў для старту,— тлумачыць свой выбар фермер.— І амаль адразу пераканаліся, што зрабілі правільны выбар. Першасную апрацоўку праводзя

Чарговая хваля COVID-19 надыходзіць хуткімі тэмпамі, не пакідаючы часу на філасофскія разважанні. Трэба спяшацца: эпідэміялагічная сітуацыя на Пружаншчыне, як і ва ўсёй краіне, застаецца складанай і несуцяшальнай. На сёння толькі 25% жыхароў нашага раёна атрымалі першую дозу вакцыны, каля 15% — другую. А для стварэння групавога імунітэту неабходна мінімум 60%. Каб паскорыць тэмпы вакцынацыі, яе правядзеннем займаюцца не толькі ва ўсіх медустановах раёна: мабільныя брыгады працягваюць выязджаць на прадпрыемствы і ў арганізацыі, дзе прышчапляюць пацыентаў на працоўных месцах, у спакойнай абстаноўцы, без чэргаў. Працуе пункт вакцынацыі і ў магазіне «Белмаркет». Перад вакцынацыяй праводзіцца абавязковы медагляд з вымярэннем тэмпературы і сатурацыі. Калі ў чалавека назіраецца востра

Работнікі, якія прайшлі поўны курс вакцынацыі супраць каранавіруснай інфекцыі, па рашэнні свайго кіраўніцтва і прафкамаў могуць атрымаць пэўныя льготы. З ініцыятывай такім чынам матываваць людзей выступіла раённае аб’яднанне прафсаюзаў. Як адзначыла старшыня раённага аб‘яднання прафсаюзаў Таццяна Гаманчук, у якасці дадатковай меры стымулявання можа быць выплата матэрыяльнай дапамогі і (або) магчымасць давання ў дзень вакцынацыі або ў наступны дзень (пры дрэнным самаадчуванні) сацыяльнага водпуску з захаваннем сярэднядзённага заробку. Палажэнні, якія прадугледжваюць меры стымулявання работнікаў да праходжання вакцынацыі, могуць быць уключаны ў калектыўныя дагаворы альбо выкладзены ў іншым дакуменце, прынятым у арганізацыі. На сённяшні дзень падобную дадатковую падтрымку пасля

У пятніцу з рабочым візітам Пружаншчыну наведаў старшыня Камітэта дзяржаўнай бяспекі Рэспублікі Беларусь генерал-лейтэнант Іван Станіслававіч Церцель. Іван Станіслававіч з задавальненнем прыняў удзел у пасяджэнні актыву раёна. Старшыня КДБ РБ выступіў з прамовай, каментуючы апошнія падзеі ў нашай рэспубліцы. Асабліва ён акцэнтаваў увагу на сітуацыі, што склалася на граніцах краіны. У прыватнасці, І.С.Церцель адзначыў правакацыйныя дзеянні і выступленні нашых польскіх і прыбалтыйскіх суседзяў, асабліва ў адносінах да мігрантаў. — На сённяшні дзень афіцыйна пацверджана чатыры факты гібелі бежанцаў на сумежнай з Беларуссю тэрыторыі, хаця нам вядома, што падобных здарэнняў значна больш,— зазначыў Іван Станіслававіч.— Пры гэтым польскія або прыбалтыйскія ўлады спрабуюць абвінаваціць