12 кастрычніка на пасяджэнні раённай выбарчай камісіі былі агучаны вынікі галасавання па выбарах Прэзідэнта Рэспублікі Беларусь. 
Згодна з яе данымі, на Пружаншчыне з 37801 выбаршчыка прынялі ўдзел у галасаванні 36569 чалавек (96,7%). Датэрмінова прагаласавалі 14654 выбаршчыкі, у дзень выбараў прыйшлі на выбарчыя ўчасткі 17647 чалавек, 4268 жыхароў аддалі свае галасы па месцы пражывання.
За кандыдата ў Прэзідэнты Сяргея Гайдукевіча прагаласавалі 457 (1,25%) пружанцаў, за Таццяну Караткевіч – 1764 (4,8%), за Аляксандра Лукашэнку — 33871 (92,6%), Мікалая Улаховіча — 243 (0,7%) выбаршчыкі. Супраць усіх былі 234 чалавекі.
Несапраўдных бюлетэняў, як было агучана на пасяджэнні раённай выбарчай камісіі, не было. Заяў і скаргаў з нагоды правядзення выбараў на момант пасяджэння камісіі не паступала. 
Выбары адбыліся на ўсіх выбарчых участках і прайшлі спакойна і арганізавана.
Фота Сяргея Талашкевіча.