Магазін насупраць СШ №4 пасля апошняга рамонту адчыніў свае дзверы ў новым статусе. 70% тавараў прадаюцца тут са скідкамі. Птушку, свежазамарожаную рыбу, макароны, крупы, муку, алей, кансервы, цытрусавыя і агародніну ў “Алесі” можна купіць па ніжэйшай цане. 
Гэта ўжо ацанілі пакупнікі, якім абслугоўвацца тут яшчэ і зручна – выкладка тавараў у магазіне палетная, а значыць, больш даступная. Усяго тры месяцы таму, калі магазін працаваў без скідак на тавар, тавараабарот у месяц складаў 120 мільёнаў рублёў. Цяпер жа ён павялічыўся больш чым у 10 разоў! Зручна і выгадна не толькі гандлю – пакупнікам. А для людзей гэта галоўнае.
На здымку: малады прадавец Ганна Папко.