Звыш 3,5 тысяч рублёў склалі выплаты прадстаўніцтва Белдзяржстраху жыхарам нашага горада і раёна за падтопленую вадой бульбу.
Нагадаем, што нямала бяды людзям нарабілі празмерныя ападкі, якія выпалі на Пружаншчыне 7 мая. Па гэтай прычыне ў вадзе апынулася і бульба, якую з зімы захоўвалі дбайныя гаспадары. 16 чалавек, якія пацярпелі з-за гэтага і якія мелі дагаворы добраахвотнага страхавання хатняй маёмасці, звярнуліся ў прадстаўніцтва Белдзяржстраху па Пружанскім раёне па кампенсацыю. Грошы ім былі неадкладна выплачаны.