День: 25.06.2024

Пружанцы адлічваюць дні да «Сонцастаяння». І хоць астрана-мічную з’яву пад такой назвай мы сустрэлі некалькі дзён таму, музычная — яшчэ толькі наперадзе! Маштабны рок-фестываль ужо на гэтым тыдні збярэ ў нашым горадзе гасцей з Беларусі і замежжа. На сцэне, устаноўленай на стадыёне «Мухавец», выступяць добра знаёмыя і нават легендарныя рок-выканаўцы. Спойлер ад арганізатараў: такога Пружаны яшчэ не бачылі. Чаму для правядзення фестывалю абраны менавіта наш горад? Усё проста: летась рок-канцэрт у рамках «Пружаны Фэст» сабраў на гарадскім стадыёне больш за 18 тысяч гледачоў. Добрае пачынанне вырашылі развіць і маштабаваць. Так і нарадзілася ідэя з рок-фестывалем «Сонцастаянне». Нагадаем, што праходзіць ён будзе з 28 па 30 чэрвеня. Падрыхтоўка да падзеі вядзецца грунтоўная. Так, на

Падчас рок-фестывалю «Сонцастаянне» на тэрыторыі парка будуць працаваць нестацыянарныя аб‘екты гандлю і грамадскага харчавання. Суб‘ектам гаспадарання, якія маюць адпаведныя дазволы (ліцэнзіі) будзе дазволены рознічны гандаль і гандаль у разліў усіх відаў алкагольных напояў (за выключэннем віна пладова-ягаднага), а таксама піва ў разліў з 12.00 28 чэрвеня да 2.45 29 чэрвеня і з 11.00 29 чэрвеня да 2.45 30 чэрвеня. Адначасова з рэалізацыі будуць выключаны ўсе напоі (у тым ліку і безалкагольныя) у шкляной тары.

Згодна з распараджэннем райвыканкама, у дні правядзення фестывалю падоўжыцца час асвятлення гарадскіх вуліц. Канцэрты працягваюцца да 3 гадзін ночы, таму 28-30 чэрвеня асвятленне вуліц у Пружанах будзе падоўжана да 4.00 гадзін.

У сувязі з правядзеннем рок-фестывалю «Сонцастаянне» і размяшчэннем на беразе вадаёма па вул. Савецкай у Пружанах палатачнага гарадка, з 9.00 28 чэрвеня да 9.00 30 чэрвеня будзе забаронена купанне грамадзян у акваторыі пляжа. Нагадаем, што згодна з рашэннем Пружанскага райвыканкама ад 5.02.2024 № 202 у вадаёме па вул. Савецкай у г. Пружаны забаронена купанне (акрамя акваторыі пляжа) і плаванне на маламерных суднах. Цяпер жа на дні правядзення фестывалю ў мэтах бяспекі басейн наогул стане месцам, забароненым для купання. Пра гэта будуць сведчыць і адпаведныя інфармацыйныя шыльдачкі.

📍 Цэнтральная раённая бібліятэка імя Міколы Засіма запрашае на гадзіну духоўнасці «Нябесная заступніца Беларусі – Еўфрасіння» (Да дня памяці прападобнай Еўфрасінні Полацкай). 📅 Калі: 30 чэрвеня. ⌚️ Час пачатку: 15:00. 🏢 Адрас: вул. Савецкая, 30 (3-ці паверх).