Інтэрактыўная пастаноўка па гогалеўскіх матывах з дэманстрацыяй калекцый адзення айчынных брэндаў завяршыла другі дзень «Вытокаў» у Пружанах (+многа фота)
Фінальнай падзеяй другога дня спартыўна-культурнага фестывалю «Вытокі» стала інтэрактыўная тэатральная пастаноўка «Выдно пана па чоботах», якая прайшла на галоўнай сцэне свята. Арганізавала відовішча мастацкая галерэя «АртХаос», якая з’яўляецца саарганізатарам «вытокаўскіх» мерапрыемстваў. Спектакль паводле гогалеўскага «Рэвізора» быў насычаны элементамі беларускіх абрадаў, дапоўнены прэзентацыяй калекцый адзення ад беларускіх дызайнераў і вытворцаў.
Асноўную частку пастаноўкі паказалі гледачам акцёры сталічнага Тэатра юнага гледача. Дзея разгарнулася ў правінцыйным гарадку Пружаны, куды прыехаў… модны крытык. Такому госцю кіраўніцтва і жыхары горада вырашылі паказаць сваю прыхільнасць да сучасных трэндаў моды, уразіць яго сваімі ведамі. Што ўсё-такі выдатна атрымалася, ды настольк
