День: 01.09.2023

Напярэдадні юбілею горада Пружаны сталі яшчэ больш прыгожымі. Было зроблена многае. Адно з такіх многіх -- замена вулічных сметніц. Некаторыя грамадзяне чамусьці ўспрынялі іх як месца збору цвёрдых бытавых адыходаў. Мала таго, што запаўняюць сметніцы рознымі бутэлькамі немалых памераў, дык яшчэ спрабуюць прыстасаваць да збору пустазелля. Некаторыя лянуюцца даісці да баку, пакет са смеццем пакінуць тут жа. Сумленне ад гэтага не непакоіць? Ці вы жывяце па прынцыпе: абы было добра тут і зараз, астатняе не турбуе?! Вось такі малюнак мы ўбачылі па вуліцы Рыгора Шырмы. Якраз у гэты момант работнік камунальнай службы прыбіраў чарговую кучу смецця. На пытанне, ці шмат такіх выпадкаў, адказаў, што хапае. Віктар Ільюшчанка. Фота аўтара

Здаецца, толькі-толькі перамаглі ў «бітве» з баршчэўнікам, як узнікла новая бяда, імя якой — сумнік канадскі (золотарник). Як расказвае начальнік раённай інспекцыі прыродных рэсурсаў і аховы навакольнага асяроддзя Вольга Дрозд, яшчэ некалькі гадоў таму гэтая расліна ўсімі ўспрымалася як дэкаратыўная. — Не было практычна ніводнага населенага пункта, жыхары якога не культывавалі б на сваіх прысядзібных участках сумнік, — кажа Вольга Міхайлаўна. — Пакуль не стала вядома, якую небяспеку тоіць гэтае «залатое ўпрыгажэнне». Сумнік канадскі належыць да чужароднай інвазіўнай флоры для Рэспублікі Беларусь. І не проста чужароднай, а сапраўды небяспечнай: распаўсюджванне яго стварае пагрозу жыццю або здароўю чалавека. Сумнік канадскі прыгнятае і нават поўнасцю выцясняе з прыродных экасістэм

У Дзень ведаў, які традыцыйна адзначаўся 1 верасня, ва ўсіх школах Пружанскага раёна прайшлі ўрачыстыя лінейкі. Прасторны школьны двор СШ №1 імя Чырванасцяжнай Беларускай ваеннай акругі ў гэты дзень быў поўны людзей. Тут сабраліся вучні і іх бацькі на ўрачыстую лінейку. У госці да калектыву школы і вучняў, якіх сёлета ў СШ № 1 налічваецца 748, з іх 76 — першакласнікі, прыехалі старшыня Пружанскага райвыканкама Міхаіл Грышкевіч, начальнік аддзела па адукацыі райвыканкама Ірына Казарэз, настаяцель Спаса-Праабражэнскага храма айцец Ігар, начальнік РАУС Ігар Амельянчук і іншыя. Дырэктар школы Святлана Станкевіч, звярнуўшыся з прывітальным словам да ўдзельнікаў і гасцей свята, уручыла дыпломы і граматы пераможцам розных алімпіяд і конкурсаў, а Міхаіл Грышкевіч падарыў школ

У адкрытым акцыянерным таварыстве «Агра-Калядзічы» наладзілі свята заканчэння збору ўраджаю — дажынкі. Хлебаробам было што святкаваць сёлета. Самая высокая ўраджайнасць па Пружанскім раёне менавіта ў гэтым сельгаспрадпрыемстве — 66,8 цэнтнера з гектара. Валавы намалот зерня — звыш 13 тысяч тон. Аб гэтым гаварыў, звяртаючыся да прысутных у прыгожай светлай зале Калядзіцкага СДК, дырэктар таварыства Сяргей Субота. Кіраўнік гаспадаркі выказваў словы падзякі ўсім, хто ўнёс свой уклад у важкі каравай нашай краіны. На сцэну падымаліся героі жніва: экіпажы камбайнаў, вадзіцелі, аператары сушыльнай гаспадаркі, зернятокаў і іншыя. Было прыемна бачыць, што сярод сталых працаўнікоў — шмат моладзі. Гэта значыць, што пераемнасць працы на зямлі працягваецца. Акрамя грашовых прэмій, кожнам

Паважаныя вучні і студэнты, бацькі, настаўнікі і выкладчыкі Пружаншчыны! Прыміце самыя шчырыя віншаванні з Днём ведаў і пачаткам новага навучальнага года! Якасная адукацыя для чалавека -- гэта ўпэўненасць у сваіх сілах і надзейны ключ да паспяховай кар'еры, а для краіны -- аснова стабільнага развіцця і эканамічнай самастойнасці. Таму адукацыя была і застаецца найважнейшай стратэгічнай галіной у нашай дзяржаве, дзе робяць усё, каб яна адпавядала не толькі цяперашнім рэаліям, але і заўтрашняму дню. Безумоўна, для дынамічнага развіцця і росквіту краіны мала, каб чалавек атрымаў адукацыю: неабходна жаданне добрасумленна працаваць і сваёй працай прыносіць карысць грамадству. Для гэтага з ранняга ўзросту дзецям трэба прывіваць любоў да гістарычнага мінулага і культуры беларусаў, іх