«Талент – разумець сваю палавінку». Мікалай Аляксандравіч і Таццяна Іванаўна Цыпурка адзначылі залатое вяселле
12 мая сямейная пара Цыпурка з Гарадзечна адзначыла залатое вяселле. 50 гадоў Мікалай Аляксандравіч і Таццяна Іванаўна клапатліва, з павагай і пяшчотай нясуць сваё каханне праз жыццёвыя буры і выпрабаванні лёсу, пад-трымліваюць і шануюць адзін аднаго. Мы сустрэліся з сям’ёй Цыпурка, каб даведацца пра сакрэт такіх трывалых адносін.
Мікалай Аляксандравіч быў трэцім дзіцём у сям’і, што жыла ў вёсцы Брантоўцы. Скончыўшы Зельзінскую сямігадовую школу, падлетак паступіў у Ваўкавыскі сельскагаспадарчы тэхнікум, але забраў дакументы... дзеля прыгод.
— Мне захацелася спазнаць сябе, кінуць выклік невядомасці, сутыкнуцца з дарослымі выпрабаваннямі. І ўвачавідкі пабачыць мора. Я вырашыў паехаць на вучобу ў горад Гусеў Калінінградскай вобласці, — пагружаецца ва ўспаміны Мікалай Цыпурка. — Мн
