Галіна Мікалаеўна Мартынчук – адна з самых вопытных выкладчыц Ліноўскай дзіцячай школы мастацтваў. Яе клас баяна самы вялікі – тут займаюцца 14 вучняў. Сёлета ў першы клас прыйшло шасцёра дзетак, гэта значны паказчык для невялікай сельскай школы. А яшчэ Галіна Мікалаеўна – рэжысёр усіх школьных святаў, займаецца з дзецьмі і ў Слабудцы, а ў вольны час іграе ў аркестры рускіх народных інструментаў
пры гарадскім Палацы культуры.