Количество читателей budni.by за месяц выросло больше, чем на 1000

5700 чалавек наведалі сайт нашай газеты ў  кастрычніку, што на 1000 больш, чым у верасні.

У сярэднім кожны наведвальнік праглядае тры старонкі сайта. Самымі папулярнымі ў кастрычніку сталі фотагалерэя і расклад руху цягнікоў па станцыі Аранчыцы. Вялікую колькасць праглядаў сабралі адказы на пытанні, адрасаваныя старшыні райвыканкама Міхаілу Мікалаевічу Серкову.

Наступным па папулярнасці стаў адказ рэдакцыі з Міністэрства транспарту і камунікацый Рэспублікі Беларусь аб тым, што хуткасны электрацягнік “Штадлер” будзе прыпыняцца на нашай чыгуначнай станцыі. Шмат хто цікавіўся фотарэпартажам з кірмашу “Пружанская восень”, а таксама адкрыццём пасля рамонту мага-зіна “Палявы”. Ну, і сапраўдны фурор не толькі на нашым сайце, але і ва ўсім беларускім інтэрнэце зрабіла Анастасія Іванова, дзяўчына-механізатар.

Не абмінаюць увагай чытачы і рэкламныя артыкулы, якія змешчаны на сайце. У сярэднім на кожны банэр за месяц націскаецца ад 200 да 300 разоў. Нагадваем, што размяшчэнне аднаго рэкламнага артыкула каштуе 50 тысяч беларускіх рублёў, банэра – 60 тысяч на месяц.

Згодна з апытаннем, 54% наведвальнікаў нашага сайта — мужчыны. Палова наведвальнікаў знаходзіцца ва ўзросце ад 18 да 34 гадоў.

Зразумела, што больш за ўсё нашымі навінамі цікавяцца беларусы (амаль 10 тысяч наведванняў), жыццё Пружан цікавіла расіян (800), украінцаў і жыхароў ЗША (кожная краіна дала прыкладна 200 наведванняў), а таксама жыхароў Нарвегіі (98).

Прыкладна па 100 удзельнікаў дабавілася ў кастрычніку ў групы газеты на сайтах vk.com i odnoklassniki.ru, больш маруднымі тэмпамі развіваецца наша старонка www.facebook.com/budni.by.