19 мая ў Дзень піянерскага сяброўства каля 50 чацвёртакласнікаў СШ №5 былі прыняты ў піянеры. 
Для гэтага хлопчыкаў і дзяўчынак сабралі ля помніка спаленым вёскам, дзе прайшоў урачысты мітынг. Дзецям нагадалі пра подзвігі піянераў Валі Коціка, Марата Казея, Зіны Партновай і Лёні Голікава, якія падчас Вялікай Айчыннай вайны сталі Героямі Савецкага Саюза, расказалі гісторыю стварэння гэтага помніка. Дзеці далі клятву быць добрымі, сумленнымі і справядлівымі, любіць Радзіму. Павіншаваць іх са святам прыйшлі былы малалетні вязень С.С. Карпей, метадыст ЦТДіМ М.В. Бармута, а таксама старэйшыя сябры з БРСМ.
Юныя піянеры ўсклалі кветкі да помніка.
