Няшмат часу мінула з дня здачы ў эксплуатацыю новага дзіцячага садка ў аграгарадку Лінова, а наваселле ўжо збіраюцца спраўляць і мясцовыя школьнікі.
Як расказаў дырэктар Ліноўскай СШ С.А.Пракопчык, будаўніцтва новага харчблока чакалі тут даўно, бо дзеючы не адпавядаў санітарным умовам. Ды і месца ўсім не хапала. Таму было вырашана распачаць узвядзенне дадатковага школьнага крыла, першы паверх якога будзе адведзены пад сталоўку, а на другім размесцяцца пяць вучэбных кабінетаў.
Работы, якія выконвае брыгада ПМК-29, вядуцца хутка: пачалося будаўніцтва восенню мінулага года і чакаецца, што сёлета аб’ект будзе здадзены.
Алег Сідарэнка.