У апошнія дні верасня ў Таліне праходзіла першынство Еўропы па цяжкай атлетыцы сярод спартсменаў да 23 гадоў. Чэмпіянат, на якім выступалі спартсмены юніёрскага і маладзёжнага ўзросту, быў паспяховым для беларусаў — зборная заваявала два медалі.
Прадстаўніца Брэстчыны, ураджэнка г.п.Ружаны Юлія Рыпінская сярод спартсменаў да 20 гадоў у вагавай катэгорыі да 48 кілаграмаў стала чэмпіёнкай. Дзяўчына першынствавала і ў рыўку, і ў штуршку, а яе выніковая сума аказалася на 2 кілаграмы большай, чым летась — 156 кг (68+88).
Дарэчы, сярод юніёраў у сваёй катэгорыі Юлія Рыпінская становіцца чэмпіёнкай Еўропы ўжо другі год запар.
Марына Вакульская.