У Магілёве завяршыўся зімовы чэмпіянат краіны па лёгкай атлетыцы ў закрытых памяшканнях сярод юніёраў. У спаборніцтвах бралі ўдзел і нашы землякі — Павел Небыт і Анатоль Бяляеў.
Павел стаў мацнейшым у бегу на 3000 метраў і бронзавым прызёрам — на дыстанцыі 1500 метраў. Анатоль ў бегу на 3000 метраў паказаў шосты вынік, а каманда Брэсцкай вобласці ў эстафеце 4х200 метраў, за якую ён выступаў на адным з этапаў, фінішавала чацвёртай.
Перспектыўныя маладыя спартсмены цяпер з’яўляюцца навучэнцамі вучылішча алімпійскага рэзерву ў Брэсце. Абодва пачыналі свой шлях у вялікі спорт у пружанскай ДЮСШ №1 пад кіраўніцтвам трэнера Сяргея Чайкоўскага.
Мікола Архуцік.
Фота vk.com.