Члены Гродзенскай абласной грамадскай арганізацыі рыбаловаў у мінулыя выхадныя завіталі на возера Паперню, каб правесці свой чэмпіянат. Сярод удзельнікаў былі і пружанцы Сяргей і Аляксандр Ціхановічы. Больш таго, менавіта Аляксандр стаў пераможцам і атрымаў галоўны прыз.
З гродзенскімі рыбаловамі спачатку пазнаёміўся старэйшы брат – Сяргей. Ужо некалькі гадоў ён з’яўляецца членам арганізацыі. Да яго далучыўся і малодшы. Амаль на кожным чэмпіянаце браты былі ў ліку прызёраў. А сёлета (магчыма таму, што чэмпіянат праходзіў на роднай Берасцейшчыне) удача па поўнай праграме ўсміхнулася пружанскім рыбакам. 
Такім чынам, пераходны “кубак” — пафарбаваны пад «золата» драўляны шчупак — год будзе ўпрыгожваць пакой Аляксандра Ціхановіча. У падарунак ён атрымаў і барометр, рэч для сапраўднага рыбака неабходную.
Фота з архіву рыбакоў.
Кацярына Пашкевіч.