Калегія камітэта па сельскай гаспадарцы і харчаванні аблвыканкама падвяла вынікі абласнога агляду па добраўпарадкаванні машынных двароў за 2013 год і гатоўнасці рамонтна-абслугоўваючай базы сельскагаспадарчых арганізацый па падрыхтоўцы тэхнікі да веснавых палявых работ 2014 года.
На раённым узроўні пераможцам стала ўпраўленне сельскай гаспадаркі і харчавання Пружанскага райвыканкама з уручэннем грашовай прэміі.
Сярод сельгаспрадпрыемстваў трэцяе месца прысуджана ААТ «Радзіма». Згодна з умовамі агляду, гаспадарка ў якасці ўзнагароды атрымае трактар.
Калегія адзначыла таксама станоўчую работу па добраўпарадкаванні і навядзенні тэхналагічнага парадку на машынных дварах ААТ «Агра-Калядзічы» і ААТ «Айчына».
Мікола Архуцік.