Адразу некалькі ўзнагарод прывезлі пружанскія пекары з міжнароднай выставы па хлебапячэнні “Ласунак”, якая прайшла ў Мінску. Батон “Вясенні” атрымаў бронзавы медаль, сухары “Изюминка” — сярэбраны, а булка “Лакомка” і хлеб вотрубны “Пажаданы” ўдастоены найвышэйшай узнагароды – залатога медаля.
Вырабы, якія высока ацаніла кампетэнтнае журы, карыстаюцца значным попытам у пружанцаў. 
Тым не менш, на хлебазаводзе працягваюць здзіўляць і прапаноўваюць новую прадукцыю. Нядаўна пакупнікі змаглі ацаніць навінкі — распрацоўкі фірмы “Барса” хлеб “Раманаўскі”, “Аўсяны”, “Іерусалімскі”, здоба “Яблычная фіеста”, булачкі з апельсінавым напаўняльнікам “Дружная сямейка” . А вось рэцэптура булак “Матулін пачастунак” была распрацавана ўласнымі сіламі.
На здымках: хлебапёкі Алена Несцярчук, Алена Пакалюк, Алена Жорах; новую прадукцыю дэманструе майстар змены Ніна Нічыпаровіч.
Кацярына Пашкевіч, Сяргей Талашкевіч (фота).