Амаль усе прызавыя месцы занялі пружанскія артысты на абласным туры ХІІ рэспубліканскага фестывалю творчасці ветэранаў “Неспакойныя сэрцы” і абласным свяце-конкурсе патрыятычнай песні “Табе мае спевы, Беларусь!”.
Сярод ветэранаў дыплом першай ступені заваявала дэкламатар Галасяцінскага клуба-бібліятэкі Аляксандра Дзешка. Дыпломам другой ступені ўзнагародзілі саліста народнага інструментальнага ансамбля Пружанскай ДШМ Віктара Лаўрэнава. За выкананне патрыятычнай песні першага месца была ўдастоена Карына Валанчутэ (Новазасімавіцкі СДК), трэцяга – арт-група “Родники” з Пружан. Таксама званне лаўрэата атрымала вакальная група Палаца культуры “Два плюс два”.
Галіна Каляда.
На здымку: арт-група “Родники”