Дзіцячы гарадок, як хораша называюць жыхары Новых Засімавічаў галоўную гульнявую пляцоўку вёскі, стаў аблюбаваным месцам дзятвы. Гульнявыя модулі для яго змайстравалі работнікі РКБА, добраўпарадкаванне правялі камунальшчыкі. А вось упрыгожылі — самі жыхары. Яны сабралі грошы, на якія мясцовы ўмелец выразаў з дрэва казачныя персанажы. Цяпер тут з задавальненнем гуляюць не толькі малыя, але і бавяць час іх бацькі.
На здымках: трохгадовая Даша Байко, якая любіць прыходзіць на дзіцячую пляцоўку; зручна тут гуляць і з каляскамі, лічыць Людміла Мацяюк.
***
Калі некаторыя жыхары вёскі за ўласныя сродкі добраўпарадкоўваюць грамадскія месцы адпачынку, то жыльцы першага пад‘езда дома №142 утульным і прыгожым зрабілі свой пад’езд. А ініцыяваў іх на гэта гаспадар адной з кватэр дома Анатоль Арлоў.
Галіна Каляда, фота аўтара.