Цудоўная пераднавагодняя традыцыя, ініцыіраваная летась старшынёй райвыканкама М.М.Серковым, знайшла працяг і сёлета: у цэнтры горада на пляцоўцы побач з Цэнтрам творчасці дзяцей і моладзі красуецца амаль два дзясяткі арыгінальных ёлачак, прывабліваючых цікаўных.
Адметна, што колькасць жадаючых прыняць удзел у стварэнні святочнай атмасферы для пружанцаў і гасцей горада вырасла, а ідэі сталі яшчэ больш крэатыўнымі.
Аўтарства большасці ёлачак вызначыць нескладана, паколькі амаль усе яны выкананы ў тэматыцы, адпавядаючай галіне дзейнасці прадпрыемства. Так, напрыклад, ДЭУ-25 упрыгожыла сваю ёлачную канструкцыю мігалкай і дарожнымі знакамі, ДРБУ-140 — таксама дарожнымі знакамі, Цэнтр творчасці дзяцей і моладзі — CD-дыскамі з фігуркамі з іх, ААТ «Пружанскі льнозавод» ахінуў навагоднюю прыгажуню ў ільяное палатно, на ёлачцы ААТ «Пружанскі малочны камбінат» зіхацяць сыры, шкляныя «галінкі»-бутэлькі вылучаюць дрэўца «Белавежскіх вінаў»… ААТ «Пружанскі завод радыёдэталей», ААТ «Мурава», ААТ «Агра-Калядзічы», райспажыўтаварыства, аўтапарк №11, КУВП «Камунальнік» і іншыя — кожная арганізацыя, як магла, зрабіла свой уклад у навагодняе ўпрыгожанне горада і стварэнне святочнага настрою. 
Марына Вакульская, фота Ірыны Сядовай.