Такога гонару былі ўдастоены адзінаццаць вучняў школ горада, Ліноўскай, Ружанскай і Параслянскай СШ.
Усе гэтыя юнакі і дзяўчаты сталі паўнапраўнымі грамадзянамі нашай краіны ў Дзень Канстытуцыі. Дарэчы, менавіта 15 сакавіка ў рамках традыцыйнай акцыі БРСМ “Мы – грамадзяне Беларусі” ва ўрачыстай абстаноўцы ўручаюцца пашпарты тым шаснаццацігадовым школьнікам, якія зарэкамендавалі сябе добрай вучобай і актыўнай грамадскай дзейнасцю.
Сёлета, каб падзея была больш памятнай, уручэнне пашпартаў правялі ў Мінску. Ініцыятарам гэтага выступіў дэпутат Палаты прадстаўнікоў Нацыянальнага сходу РБ М.К.Андрайчук, які разам з галоўным дакументам уручыў школьнікам з Пружаншчыны і падарункавыя наборы.
Мікалай Канстанцінавіч расказаў маладым людзям пра работу беларускага парламента і правёў невялікую экскурсію. 
Затым члены Пружанскай арганізацыі БРСМ на чале са сваім лідэрам Т.А.Дзядзюн наведалі цэнтральны камітэт БРСМ, дзе ім паказалі музей і расказалі пра гісторыю камсамола.