На працягу больш двух тыдняў удзель-нікі першынства збіраліся ў цэнтры творчасці дзяцей і моладзі амаль кожны дзень, каб выявіць мацнейшага сярод аматараў шашак і шахматаў. Удзельнікамі турніру па інтэлектуальных відах спорту сталі каля двух дзясяткаў чалавек — людзі розных узростаў, сярод якіх, варта адзначыць, і пераможцы мінулых гадоў. Самым старэйшым з іх — за семдзесят.
Імёны сёлетніх пераможцаў назвалі ў аўторак. Лепшымі сярод шашыстаў сталі М.Д.Галузаў (1 месца), А.І.Неміровіч (2 месца) і В.М.Ліцкевіч (3 месца). А вось у шахматыстаў месцы размеркаваліся наступным чынам: першае — С.П.Кажамячанка, другое — В.М.Ліцкевіч, трэцяе — П.Б.Нічынгер.
Пераможцы турніру былі ўзнагроджаны граматамі аддзела адукацыі, спорту і турызму райвыканкама, а таксама для іх будуць аформлены бясплатныя падпіскі на «Раённыя будні» на розныя тэрміны.
На здымку: у зале спаборніцтваў было шматлюдна.
Марына Вакульская, Сяргей Талашкевіч (фота).