У Мінску прайшло ўшанаванне лепшых трэнераў Рэспублікі Беларусь па падрыхтоўцы рэзерву футбалістаў па выніках работы за мінулы год. Удзел у святочнай цырымоніі бралі міністр адукацыі М.А.Жураўкоў і старшыня асацыяцыі «Беларуская федэрацыя футбола» С.М.Румас.
У дваццатку лепшых трэнераў года трапіў дырэктар Пружанскай ДЮСШ №1 Ю.М.Цюшкевіч (на здымку). Яму ўручана грашовая прэмія і сертыфікат лаўрэата рэспубліканскага агляду-конкурсу. Дастаткова сказаць, што ў сёлетнім сезоне ў клубах вышэйшай, першай і другой лігі чэмпіянату Беларусі па футболе будуць выступаць 10 выхаванцаў трэнера Ю.М.Цюшкевіча.
Мікола Архуцік.
Фота Сяргея Талашкевіча.