11 верасня па краіне прайшла акцыя «Наш год — наш выбар!». Ініцыятыву ў Пружанах падтрымалі актывісты пярвічнай арганізацыі БРСМ аграрна-тэхнічнага каледжа.
Сімвалам рэспубліканскай акцыі абралі яблык, перавязаны стужачкай з колерамі нацыянальнай сімволікі. Навучэнцы каледжа раздавалі садавіну прахожым каля магазіна «Белмаркет».
— Яблык з’яўляецца плодам, які з даўніх часоў сімвалізуе ў славянскай культуры дастатак, міралюбства, вечную маладосць, — растлумачыў лідар раённай арганізацыі БРСМ Аляксандр Бабігорац. — Асаблівае сэнсавае значэнне мае сувязь яблыка і яблыні: яна адлюстроўвае пераемнасць пакаленняў, вернасць традыцыям, імкненне дзяцей працягваць добрыя справы сваіх бацькоў.
Паводле слоў Аляксандра Бабігорца, мена-віта гэтыя каштоўнасці і паклала моладзь у аснову сваёй акцыі. Акрамя таго, маладыя людзі асацыіруюць яблыкі з сімвалам плённай работы і дасягненняў моладзі краіны, а таксама дасягненняў дзяржавы больш як за 20 гадоў незалежнасці.
Марына ВАКУЛЬСКАЯ, Сяргей ТАЛАШКЕВІЧ (фота).