Фестываль па брэйк дансу і хіп-хопу “Бітва межаў”, арганізаваны Віталем Еўтуховічам і Аляксандрам Кундам пры падтрымцы пружанскай каманды B-Style, сабраў каля 200 гледачоў і 150 удзельнікаў. Большасць гасцей была з Брэсцкай вобласці, але прыехалі мінчане, гарадзенцы і магіляўчане. На жаль, пружанцы не перамаглі ні ў адной з намінацый, больш за ўсіх перамог заваявалі жыхары сталіцы. Фестываль скончыўся after-party з выступленнем мінскіх каманд позна ўвечары на пляцоўцы перад Палацам культуры.
Арганізатары і ўдзельнікі мерапрыемства выказваюць вялікую падзяку дырэктару Палаца культуры Васілю Курачынскаму за дапамогу ў правядзенні фестывалю.
