Каля Ружан вядзецца будаўніцтва другой карты палігона цвёрдых бытавых адходаў.
Прыродаахоўныя праблемы закранаюць не толькі буйныя населеныя пункты, але і вёсачкі. Існуючы палігон ЦБА, які знаходзіцца ў некалькіх кіламетрах ад пасёлка, аказаўся відавочна перапоўнены. Літаральна за апошні год пытанне адкрыцця новага палігона паўстала асабліва востра.
І вось нарэшце пачалося будаўніцтва другой карты палігона ЦБА. Работы распачалі каля двух месяцаў таму, завяршыць іх плануецца да канца верасня. Па прыкладных падліках, палігон праслужыць каля 7-8 гадоў, пасля чаго ізноў паўстане неабходнасць адкрыцця новага.
Між іншым, як паведаміў намеснік дырэктара КУВП «Камунальнік» па ідэалагічнай рабоце В.І.Казлоў, будоўля падобных аб’ектаў — справа не з танных: згодна з праектна-каштарыснай дакументацыяй, будоўля абыдзецца ў суму каля аднаго мільярда рублёў. Фінансуюцца работы па аб’екце са сродкаў прадпрыемства.
Адначасова ідзе рэкультывацыя старой карты палігона.
Марына Вакульская.