Паветраны парад у Мінску, прысвечаны 65-ай гадавіне Вялікай Перамогі, адкрылі авіятары 181 баявой верталётнай базы.
Сцягі Рэспублікі Беларусь і “65 гадоў Перамогі” над святочнымі трыбунамі пранеслі экіпажы на МІ-8 у складзе падпалкоўніка М.У.Топарава, маёра С.А.Алексенкі, капітана В.В.Мельнікава і маёра В.А.Буцкова, капітанаў А.В.Кісяля і В.Ю.Дзёміна. Удзел у парадзе прынялі і верталёты МІ-24 пад камандаваннем падпалкоўнікаў І.А.Арыстамбекава, С.Г.Лабудзя, А.А.Лебедзева і палкоўніка Ю.М.Пацаюка, які быў вядучым групы. Адметна, што мінулагодні паветраны парад у Мінску таксама адкрывалі авіятары з Новых Засімавічаў.
Галіна Каляда.