Ужо ў верасні Водны палац прыме першых наведвальнікаў, паведаміў начальнік аддзела фізічнай культуры, спорту і турызму Пружанскага райвыканкама Сяргей Шчыпанаў. Водны палац уключае 25-мятровы басейн з шасцю дарожкамі, аквапарк з воднымі атракцыёнамі, лазню, саўну, залы для заняткаў цяжкай атлетыкай і фітнесам. Тут жа будуць размешчаны зала для гульні ў більярд, кафэ. Пружаны стануць другім у Брэсцкай вобласці райцэнтрам, дзе з’явіцца аквапарк. У мінулым годзе падобны аб’ект адкрыўся ў Кобрыне.
