Выступленне Санкт-Пецярбургскага Дзяржаўнага тэатра класічнага балета, якое планавалася ў Палацы культуры, не адбылося. Як аказалася, скарыстаўшыся гучным імем тэатра, «арганізаваць» яго гастролі вырашылі гора-пасрэднікі. Цяпер імі займаюцца адпаведныя органы, а ўстановы культуры, якія паспяшаліся зрабіць «арганізатарам» папярэднюю аплату, думаюць, дзе ўзяць грошы, каб разлічыцца з гледачамі. На шчасце, наш Палац культуры, як расказаў яго дырэктар В.І.Курачынскі, папярэдне выступленне не аплачваў, таму грошы за білеты будуць вернуты без праблем.
