Моладзь заўсёды мела патрэбу ў моцных лідэрах. І калі такія лідэры з’яўляліся, жыццё маладых людзей мянялася непазнавальна.
Тое ж можна сказаць пра навучэнцаў каледжа. Дзякуючы менавіта такім, ініцыятыўным і неабыякавым да праблем маладых людзей педагогам, там быў створаны маладзёжны клуб аховы правапарадку “Легіён”.
За год дзейнасці клуб сабраў у сваіх радах не толькі лепшых навучэнцаў, заняўся выхаваннем праблемных. Як? Спатрэбіліся давер маладых і шчырае жаданне стварыць для іх сапраўды цікавае студэнцкае жыццё.
А пачыналася ўсё з яднання такіх жа актыўных і маладых выкладчыкаў – Дзмітрыя Шыракова, Сяргея Зайко, Генадзя Ляуты і Таццяны Хадаровіч. Раней кожны з іх па асобку займаўся і выхаваннем навучэнцаў, і арганізацыяй іх вольнага часу, пакуль аднойчы не зразумелі: разам гэта будзе цікавей і відовішчней.
Напрыклад, чаму не аздобіць выступленні баксёраў ці трохборцаў, якіх у каледжы рыхтуюць Г.М.Ляута і Д.М.Шыракоў, ці спаборніцтвы футбалістаў пад кіраўніцтвам С.І.Зайко яркімі нумарамі дзяўчат, якія займаюцца фітнесам у Т.У.Хадаровіч? Паспрабавалі, і атрымалася сапраўднае шоу, на якое з цікавасцю пайшлі іншыя. А хутка ўсё больш і больш юнакоў і дзяўчат пачалі праяўляць ініцыятыву.
Выкладчыкі не хаваюць свайго захаплення:
— Калі даць магчымасць студэнтам, яны такое арганізуюць! Вось мы і падаем ідэі, а яны з вялікім жаданнем іх рэалізуюць.
Варта зазначыць, што “легіёнаўцы” маюць не толькі правы, але і абавязкі, якія яны добрасумленна выконваюць: нездарма ж члены клуба – ахоўнікі правапарадку. На ўсіх мерапрыемствах каледжа цяпер дзяжураць хлопцы з “Легіёна”. Імі арганізаваны дзяжурствы ў інтэрнатах і на тэрыторыі каледжа. У парадку на тэрыторыі свайго другога дома, якім часова стаў каледж, зацікаўлены самі хлопцы і дзяўчаты. А адміністрацыя толькі задаволена канстатуе: “З дысцыплінай цяпер амаль што ніякіх праблем.”
У клубе, які аб’яднаў пераважна спартсменаў, пануе сапраўды камандны дух. Тут усе адзін за аднаго і ва ўсіх пачынаннях адчуваецца калектыўная праца пад кіраўніцтвам старэйшых таварышаў.
— Мы заўсёды падтрымліваем ініцыятыву навучэнцаў. Цяпер яны самастойна і аднолькава адказна і спаборніцтвы рыхтуюць, і дыскатэкі, — расказвае Г.М.Ляута. – А якія цікавыя пішуць сцэнарыі з удзелам выкладчыкаў!
Дарэчы, дзякуючы такому даверу і падтрымцы свой сайт яны стварылі таксама самастойна, бо создание сайтов на 1С Битрикс зараз папулярна. Такі вынік даў умелы кантакт выкладчыкаў з навучэнцамі і разуменне з боку адміністрацыі каледжа. Напрыклад, за актыўны ўдзел у грамадскім жыцці каледжа “легіёнаўцы” маюць своеасаблівыя льготы – надбаўкі да стыпендый, першачарговае наведванне разнастайных секцый. Шкада, праўда, што толькі на энтузіязме даводзіцца працаваць самім кіраўнікам “Легіёна”. Як вядома, на арганізацыю адпачынку навучэнцаў даводзіцца ахвяраваць асабістым адпачынкам.
Галіна Каляда.