90-годдзе адзначае адвакатура Беларусі. 26 чэрвеня 1922 года было прынята першае Палажэнне аб адвакатуры – знамянальная падзея ў гісторыі беларускай юстыцыі і жыцці краіны.
Сёння адвакатура ўяўляе сабой прававы інстытут, які аказвае прафесійную юрыдычную дапамогу фізічным і юрыдычным асобам. Адвакаты ўдзельнічаюць у прававым выхаванні насельніцтва, служаць прынцыпам законнасці, справядлівасці і гуманізму.
У нас аказаннем юрыдычнай дапамогі насельніцтву займаецца юрыдычная кансультацыя раёна. Працуюць тут тры адвакаты на чале з загадчыцай А.В.Мацаюк. У мінулым годзе да іх па дапамогу звярнуліся каля 800 чалавек, большасць з якіх з нагоды забеспячэння прадстаўніцтва ў судах па грамадзянскіх справах. Раздзелы маёмасці, спрэчкі па правах на спадчыну, кампенсацыя маральнай і матэрыяльнай шкоды – гэта не поўны пералік пытанняў, з якімі па дапамогу адвакатаў звяртаюцца людзі. Яны ўпэўнены: вопытныя адвакаты Надзея Міхайлаўна Станкевіч, Аляксандр Мікалаевіч Васілевіч і загадчыца кансультацыі Алеся Вячаславаўна Мацаюк (на здымку) дапамогуць заўсёды!
Галіна КАЛЯДА, Аляксандр МЕЛЕШ (фота)